'''Liberalizm''' — fərdi azadlıqları və haqları müdafiə edən siyasi ideologiya. Liberallar geniş bir fikir müxtəlifliyinə sahib olsalar da, sekulyar dövlət, ifadə azadlığı, mülkiyyət hüququ, inanc azadlığı, ticarət azadlığı kimi fikirləri dəstəkləyirlər. XVIII əsrdə liberal fikirlərin maarifçilik çağı filosofları və iqtisadiyyatçıları arasında yayılması, liberalizmi ilk dəfə nəzərəçarpan bir siyasi hərəkat olaraq ortaya çıxarmışdır. Liberal düşüncə dövlət dini, mütləq monarxiya, kralların dini haqqlarına qarşı çıxırdı. Liberalizm müasir dövrdə ortaya çıxmış ilk siyasi ideologiyadır. Digər siyasi ideologiyaların böyük qismi liberalizmə bir reaksiya və onun tənqidi üzərindən şəkillənib inkşaf etmələri ölçüsündə, onun hər hansı bir ideologiya olmayıb, bir meta-ideologiya olduğu deyilə bilər.
