Milli Qvardiya isə ilk dəfə [[Böyük Fransa inqilabı]] dövründə [[Paris]]də yaradılmışdır. Azərbaycanda[[Azərbaycan]]da dövlət səviyyəsində mühafizə xidmətinin qurulması işinə isə ilk dəfə 1918-1920-ci illərdə [[Azərbaycan Xalq Cümhuriyyəti]] dövründə başlanmışdır. [[Sovet Sosialist Respublikaları İttifaqı|SSRİ]] dağıldıqdan sonra öz müstəqilliyini əldə etmiş Azərbaycanda siyasi, iqtisadi, qanunvericilik sistemlərində olduğu kimi, inzibati orqanlarda da yenidənqurma işləri aparılaraq yeni şəraitə uyğun optimal idarəçilik formaları axtarılmağa başladı. Mühafizə sisteminin əhəmiyyəti getdikcə daha da artdı, onun strukturu təkmillləşdi, tərkibi genişləndi. 25 dekabr 1991-ci ildə Milli Qvardiya yaradıldı. Qvardiyanın Əsasnaməsi, strukturu və vəzifə maaşları təsdiq edildi. İlk vaxtlar Milli Qvardiyada hərbi xidmət könüllülük qaydasında iki illik müqavilə əsasında idi. Şəxsi heyətin seçimi [[Azərbaycan Respublikası Milli Təhlükəsizlik Nazirliyi|MTN]], [[Azərbaycan Respublikası Daxili İşlər Nazirliyi|DİN]] və [[Azərbaycan Respublikası Müdafiə Nazirliyi|MN]]-in kadr orqanlarının köməkliyi ilə həyata keçirilirdi. 31 iyul 1992-ci il tarixli Fərmanın tələblərinə əsasən Milli Qvardiyanın ştat vahidi artırıldı. Bununla əlaqədar Milli Qvardiyada [[Alay]] yaradıldı.
