Sabir Əliyev (violonçel ifaçısı): Redaktələr arasındakı fərq

Əliyev Sabir Hüseynəli oğlu [[1928-ci il]] may ayının 10-da [[Bakı]]da, qaynaqçı ailəsində anadan olmuşdur. 1936-cı ildə Azərbaycan Dövlət Konservatoriyasının nəzdində fəaliyyət göstərən onillik musiqi məktəbinə daxil olmuşdur. Musiqi məktəbini müvəffəqiyyətlə bitirən Sabir Əliyev [[1946-cı il]]də Azərbaycan Dövlət Konservatoriyasına (indiki [[Bakı Musiqi Akademiyası]]) daxil olmuş, [[Leopold Rostropoviç|L.Rostropoviç]]in tələbəsi İsaak Turiçinin sinfində təhsil almışdır. [[1951-ci il]]də simli alətlər fakültəsini bitirmişdir.<ref name="bir"/>

İlk dəfə [[1950-ci il]]də Bakı Dövlət Filarmoniyasında Sabir Əliyev (violonçel), [[Tofiq Bakıxanov]] (skripka), E.Əliyeva (piano) triosu ilə çıxış etmişdir.

Təhsil aldığı ilk illər ərzində o, Sovet bəstəkarlarının klassik repertuarını müvəffəqiyyətlə mənimsəmiş, həmçinin bir çox konsert proqramlarında və Azərbaycan Dövlət Radiosunda çıxışlar etmişdir. 1950-ci ildə hələ tələbə ikən M. Rostropoviç, D. Şafran, Lesko kimi görkəmli sənətkarlarla birgə Yanoş Viqan adına Beynəlxalq müsabiqədə iştirak etmiş və Fəxri fərmana layiq görülmüşdür.<ref name="bir"/>

Konservatoriyanı müvəffəqiyyətlə bitirən Sabir Əliyev orada müəllim kimi saxlanılmış və eyni zamanda Bülbül adına Musiqi Məktəbinin Simli alətlər şöbəsinin müdiri kimi çalışmışdır. [[Müslüm Maqomayev]] adına ADF-nın solisti, [[1955-ci il]]ə qədər Üzeyir Hacıbəyov adına Simfonik orkestrin konsertmeysteri, Azərbaycan Dövlət Trio və Dövlət Kvartetinin üzvü, xalq mahnı və rəqslərinin təmsilçisi, milli bəstəkarların violonçel üçün bir çox kompozisiyaların ilk ifaçısı, respublikanın ilk simli kamera kollektivinin iştirakçısı və bir neçə illər ərzində kollektivin bədii rəhbəri olmuşdur.<ref name="bir">Pyeslər [Notlar]: violençel ilə fortepiano üçün/Sabir Əliyev; red. Ş.Hüseynova.- Bakı: Azərnəşr, 1971.- 17 s. </ref>

S.Əliyevin fəaliyyətinin digər sahəsi müəllimliklə bağlıdır. 1951-ci ildən başlayaraq ömrünün sonunadək konservatoriyada violonçel üzrə ixtisas dərslərini aparmışdır. Sabir Əliyev 1960-cı ildə “10 etüd violonçel üçün”, 1966-cı ildə violonçel və fortepiano üçün “Pyeslər” əsərlərini bəstələmiş, [[1968-ci il]]də “Pyeslər” əsəri, [[2008-ci il]]də ibtidai siniflər üçün “Violonçel məktəbi” adlı dərsliyi çap olunmuşdur.<ref name="iki">Sabir Əliyev - böyük musiqiçi violonçelist və pedaqoq /Tərt.- red. Şeyla Heydərova.- Bakı, 2009.- 28 s.</ref>

Azərbaycanda violonçel ifaçılığının əsas ənənələrinin yaradıcısı olan Sabir Əliyev 30 professionalpeşəkar violonçel ifaçısı yetişdirmişdir.

[[1960-cı il]]də dosent, [[1972-ci il]]də Azərbaycan Dövlət Konservatoriyasında professor elmi rütbəsini almışdır. [[1959-cu il]]də Azərbaycanın “Əməkdar artist”, 1968-ci ildə “Xalq artisti” fəxri adlarına layiq görülmüşdür. 1966-cı ildə “Fəxri nişan” ordeni ilə, 1968-ci ildə V.İ. Leninin 100 illik yubileyinə həsr olunmuş medalla, 1971-ci ildə “Qırmızı Əmək Bayrağı” ordeni ilə, 1976-cı ildə “Sosializm yarışının IX 5 illik zərbəçi” nişanı ilə təltif edilmişdir.<ref name="iki"/>