Ələkbər Həsənzadə: Redaktələr arasındakı fərq

Ələkbər Əliheydər oğlu Həsənzadə [[8 noyabr]] [[1939]]-cu ildə Bakı şəhərində anadan olub. Atası [[Əliheydər Həsənzadə]] və anası [[Rüxsarə Ağayeva]] teatr aktyorları və [[1930]]-cu illərdə Azərbaycanın bir sıra bölgələrində teatr sənətinin təbliği və inkişafı yönündə fəaliyyət göstərən sənət xadimləri idilər. Ə. Həsənzadənin təhsil aldığı 1 nömrəli məktəb o vaxtlar el arasında "Bağırov məktəbi" adlanırdı. Bura orta ümumtəhsil ocağı olmaqla yanaşı, həm də Suvorov məktəbi, ya da sonralar Azərbaycanda yaradılmış Naxçıvanski adına Hərbi Məktəb kimi, gənc hərbçilər hazırlayırdı. Ə. Həsənzadə də o dövrün əksər oğlan uşaqları kimi, təyyarəçi olmaq arzulayırdı.

İş elə gətirdi ki, məzun olmaqlarına 3 il qalmış məktəbi bağladılar. Onda Ələkbər iki sinif yuxarıda oxuyan yoldaşı ilə qaçıb [[İrəvan]]a getdi. Orda təyyarəçilər hazırlayan ixtisaslaşmış məktəbə daxil oldu. Təlimlərin birində hətta ayağını möhkəm zədələndi də. Valideynləri onu Bakıya gətirdilər. Bir neçə ay xəstəxanada yatdı. O vaxtlar axı bütün yeniyetmələr, gənclər Maresyevin təsiri altında idilər.İrəvandakı məktəb də bağlandı. Ə. Həsənzadə də öz məktəbinə qayıtdı. [[1958]]-ci ildə oranı bitirdi. Və ovaxtkı Leninqrad şəhərinin Kino və Televiziya İnstitutuna qəbul olundu.