Linda Hamilton: Redaktələr arasındakı fərq

'''Linda Karrol Hamilton''' - Amerikalı aktrisa.

==Həyatı==

Linda Karrol Hamilton 26 sentyabr 1956-cı ildə ABŞ-ın Merilend ştatının Selisburi şəhərində əkiz bacısı Lesli ilə birgə anadan olmuşdur. Əkiz bacısından başqa Lindanın Laura adlı bacısı və Con adlı qardaşı da var. Peşəcə həkim olan atası 1961-ci ildə avtomobil qəzası nəticəsində dünyasını dəyişib.

 

Məktəbdə təhsil aldığı dövrdən o aktyorluq peşəsi ilə maraqlanmış və bir çox teatr səhnələrində çıxış etmişdir. Məktəbi bitirdikdə sonra isə o Çestertaun şəhərində yerləşən Vaşinqton Kollecində aktyorluq peşəsi üzrə təhsil almışdır. Sonra o [[Nyu-York]] şəhərinə köçür və burada məşhur Li Strasberq Teatr İnstitutunda aktyorluq metodları üzrə biliklərə yiyələnir

Nyu-Yorkda bir çox səhnə rollarından sonra, Hamilton gündüzlər efirə çıxan “Sabah üçün Axtarış” televiziya dramında balaca bir rol alır. Bir müddət sonra karyerasını davam etdirmək üçün Hamilton Los-Ancelesə köçmək qərarına gəlir. İlk böyük rollarını isə o, "Rape and Marriage: The Rideout Case" və 1982-ci ildə lentə alınan "Country Gold" filmlərində alır. Bundan başqa o azbüdcəli "T.A.G.: The Assassination Game" filmində də rol alır. Eyni ildə o öz biznes menecerinin ondan 100000 dollar mənimsədiyini öyrənir. Şəxsi və peşəkar həyatda problemlər onu kokainə aludə edir.