Musa Məmmədov (dövlət xadimi): Redaktələr arasındakı fərq

Musa Məmmədov 1932-ci il iyul ayının 15-də [[Qəbələ]]də anadan olmuşdur. 1948-ci ildə orta məktəbi, 1952-ci ildə isə [[Azərbaycan Kənd Təsərrüfatı İnstitutu]]nun aqronomluq fakültəsini fərqlənmə diplomu ilə bitirmişdir. Həmin ildə aspiranturaya daxil olan Musa Məmmədov 1956-cı ildə dissertasiya müdafiə edərək elmlər namizədi alimlik dərəcəsi almışdır. Kənd təsərrüfatı və meşə təsərrüfatının müxtəlif sahələrinin inkişafı ilə əlaqədar 40 elmi əsərin, bir çox monoqrafiyaların, bir neçə kitabın, ixtiraların müəllifidir.<ref name="0">{{cite web |url =http://modern.az/az/news/194680?fbclid=IwAR3lfF5GQ3k5eHTPwrwj90GmWQrE24nvuKqOW3N_OEAxehCqshPnjhSiKxo#gsc.tab=0 |archiveurl = |archivedate = |title =Keçmiş nazir müavini vəfat edib - Unudulmaz Musa müəllim |author =Abid Tahirli Abid |date =12 mart 2019 |publisher =modern.az |accessdate = 2019-03-12 |language =az }}</ref>

Bir müddət Azərbaycan Kənd Təsərrüfatı İnstitutunda müəllim, tədris-təcrübə təsərrüfatının direktoru vəzifələrində işləmişdir. 1964-cü ildə [[Azərbaycanın Kənd təsərrüfatı Nazirliyi|Kənd Təsərrüfatı Nazirliyi]]nin idarə rəisi vəzifəsinə təyin olunmuşdur.<br/>1968-1970-ci illərdə Dövlət Çörək Məhsulları və Qarışıq Yem Sənayesi Komitəsinin sədr müavini, 1970-1979-cu illərdə isə Respublika tədarük nazirinin müavini vəzifələrində işləmişdir. Daha sonra vəzifədə irəli çəkilərək "Azərkəndkimya" Elm-İstehsalat Birliyinin sədri vəzifəsinə təyin edilmişdir. 1984-cü ilə qədər sədr vəzifəsini icra edən Musa Məmmədov bir il müddətinə [[Azərbaycan SSR Nazirlər Soveti]] sədrinin müavini, 1986-1989-cı illərdə sədrin birinci müavini və Dövlət Aqrar Sənaye Komitəsinin sədri, 1989-2001-ci illərdə Respublika Meşə Təsərrüfatı İstehsal Birliyinin sədri vəzifələrində çalışmışdır.<br/>Sonralar Musa Məmmədov Baş nazirin, vəfat edənədək isə Kənd təsərrüfatı nazirinin müşaviri vəzifələrində işləmişdir.<ref name="0"/>

[[Qırmızı Əmək Bayrağı ordeni (Azərbaycan SSR)|"Qırmızı Əmək Bayrağı"]], [["Oktyabr İnqilabı" ordeni|"Oktyabr inqilabı"]], iki dəfə [["Şərəf Nişanı" ordeni]] və müxtəlif medallarla təltif olunmuşdur. İki dəfə Respublika Ali Sovetinin Fəxri fərmanı, Ümumittifaq Xalq Təsərrüfatı Nailiyyətləri Sərgisinin iki qızıl, iki gümüş və bürünc medalları ilə, iki dəfə sərginin Fəxri diplomları ilə təltif edilmişdir. Elm və texnika üzrə Dövlət mükafatı laureatı, Respublikanın əməkdar aqronomu adına layiq görülmüşdür. Respublikada aqrar sahənin idarə edilməsinin təkmilləşdirilməsi sahəsində göstərdiyi əvəzsiz xidmətləri nəzərə alınaraq [[Azərbaycan Respublikası Prezidentinin fərdi təqaüdü]]nə layiq görülmüşdür.<ref name="0"/>