S-200: Redaktələr arasındakı fərq

Bu sistemdə istifadə olunan hər bir raket ümumi gücü 12 min ton olan və bərk maye əsasında işləyən 4 xarici sürətləndirici mühərrikin köməyi ilə hərəkətə gəlir. Təcillənmə prosesi zamanı raketdə daxili reaktiv mühərrik işə düşür. Bu mühərrik azot turşusu əsasında işləyir. Yanacağın həcmi elə hesablanır ki, raket hədəfə çatdıqda onun tərkibində maye az olsun. Tipindən asılı olaraq raketlər 20-40 20–40 km hündürlüyə uça bilirlər. Hədəf radiolokatorun köməyi ilə təyin olunur. Raketin baş hissəsində özü nişanalan başlıq yerləşdirilir. Bu başlıq şəffaf örtüyün altında olur. Onun daxilində dimaetri 60 sm olan parabolik anten və analoq lampa yerləşir. [[1971]]-ci ildə inkişaf etdirilən V versiyasında yarı aktiv radar sistemi və [[1975]]-ci ildə inkişaf etdirilən son versiyası D-də aktiv radar sistemi inteqrasiya edildi. S-200 hava müdafiə sisteminin radarları və mənzilləri: S-200 radar sistemlərinə uzaq məsafələrə işləyən digər radar sistemləri də qoşula bilər. Raketin sürəti 2500 metr/saniyə təşkil edir. Hədəfi vurma hündürlüyü 300 m-dən 40.8  km-ə qədər, mənzili isə 7  km-dən 200  km-ə (köhnə modellər) və ya 400  km-ə (yeni modellər üçün) qədər olan diapazonda yerləşir. Mərmi hissəsi diametri 80 sm olub, daxilində 80 kq patlayıcı maddə və diametri 1 sm olan 10. 000 polad kürə yerləşdirilir. Partlayış hədəfə 20 m qalmış baş verir. Birbaşa vurma halları da məlumdur. İdarəetmədə pozğunluq olduqda “özününkü-düşmən” sistemi işə düşür və ya operatorun əmri əsasında raket şaquli olaraq yuxarıya qalxır və yanacaq qurtardıqda raket özünü məhv edir. Qrup şəklində hədəfləri məhv etmək üçün də nüvə başlıqlı raketlər mövcuddur. Bu raketlərin uzunluğu 11 m, çəkisi isə 6 tondur. Raketin gövdəsindəki elektrik şəbəkəsi yerli qaz turbini ilə işləyən mühərrikin köməyilə qidalanır. İdarəetmə məntəqəsi ilə rabitə yaratmaq üçün quyruq hissədə antena yerləşdirilir. Bir raketlə hədəfin vurulma ehtimalı 80% təşkil edir. Adətən bir hədəfə iki raket buraxılır.

Hədəfin işıqlandırılması radiolokatoru hədəfi 270  km məsafəyə qədər aşkar etmək imkanına malikdir. Radiolokasiya qurğusu əsasən iki kabinadan ibarətdir. Bu kabinaların birində radiolokator, digərində isə idarəetmə pultu yerləşir. Radiolokator yalnız bir hədəfi izləmək qabiliyyətinə malikdir, ayrılan hissə olanda avtomatik olaraq o hissəyə keçir. Ümumi gücləndirmə əmsalı 140  dB həddindədir. Hədəfin izlənməsi komanda məntəqəsinin göstərişi əsasında baş verir. Məntəqədən verilən informasiya əsasında hədəfin azimutu və uzaqlığı daxil edilir. Lokator avtomatik hədəfə tərəf tuşlanır və dairəvi köçürmə (skanerləmə) aparılır. Hədəf tapılmadığı halda sistem sektor axtarış rejiminə keçir. Hədəf tutulduqdan sonra məsafə fazakodomanipulyasiya siqnalının köməyi ilə hesablanır və hədəfin tutulması üçün raket avtomatik rejimə keçir. Mərkəzi kəşfiyyat məlumatları olmadığı halda S-200 raketlərinin tətbiqinin effektivliyi kəskin aşağı düşür. Aşağı sürətlərdə uçan hədəfləri aşkar etmək üçün mişar formalı siqnallardan istifadə edilir.

Erkən diaqnoz radarı P-14 / 5N84A (“Dubrava”) / 44ZH6 - mənzili 600  km

Erkən xəbərdarlıq radarları 5N87 (Kabin 66) / 64ZH6 - mənzili 380  km

Toplama və izləmə radarı P-35/37 - mənzili 392  km

Xəbərdarlıq radarı P-15M (2) - mənzili 128  km

Atış kontrol radarı 5N62 - mənzili 270  km

{{commonscatVikianbar kateqoriyası|S-200}}