Nino Rota: Redaktələr arasındakı fərq

'''Covanni Rota Rinaldi (Nino Rota)''' ({{langDil-it|Nino Rota}}; {{DVTY}}) — [[İtaliya]] bəstəkarı, bir çox kinofilmlərin musiqisinin müəllifi.

Nino Rota [[1911]]-ci ildə [[Milan]]da musiqiçi ailəsində anadan olmuşdur. Uşaqlıq illərində [[Roma]]ya gəlmiş, həmin şəhərdə konservatoriyaya daxil olmuş və [[1929]]-cu ildə oranı bitirmişdir. Hələ konservatoriyada təhsil alarkən Nino Rota fövqəladə qabiliyyətli uşaq – vunderkind hesab olunurdu. O, özünü bəstəkar və orkestr dirijoru kimi təsdiq etmişdi. Hətta onun ilk oratoriyası olan "L’infanzia di San Giovanni Battista" artıq [[1923]]-cü ildə [[Milan]]da və [[Paris]]də səsləndirilmişdi.

[[1930]]-[[1932]]-ci illərdə o, [[Amerika Birləşmiş Ştatları|ABŞ]]-da yaşamışdır<ref>[http://www.ninorota.com/ The Nino Rota Catalogue]</ref>. [[İtaliya]]ya qayıdandan sonra Milan Universitetində ədəbiyyatı öyrənmişdir. [[1937]]-ci ildə isə Nino Rota müəllimlik fəaliyyətinə başlamışdır. [[1950]]-ci ildən ömrünün sonuna kimi ([[1979]]) Bari konservatoriyasının direktoru vəzifəsində çalışmışdır.

Nino Rota bir sıra [[opera]] və [[balet]]lərin, o cümlədən, "Ariodante" ([[1942]]), "Torquemada" ([[1943]]), "I due timidi" ([[1950]]), "Il capello di paglia di Firenze" ([[1955]]), "La notte di un nevrastenico" ([[1959]]-[[1960]]), "Aladino e la lampada magica" ([[1968]]), "La visita meravigliosa" ([[1970]]), "Napoli milionaria" ([[1977]]) kimi operaların və "La rappresentazione di Adamo ed Eva" ([[1957]]), "La Strada" ([[1965]]), "Aci e Galatea" ([[1971]]), "Le Molière imaginaire" ([[1976]]) və "Amor di poeta" ([[1978]], xüsusi olaraq Moris Bejar üçün yazılmışdır) kimi baletlərin müəllifi olmuşdur. Bundan başqa, bəstəkar bütün dünya musiqisevərlərinin rəğbətini qazanmış orkestr üçün musiqilər də yazmışdır.

[[1940]]-cı illərdən başlayaraq Nino Rota müxtəlif kinofilmlərə də musiqi bəstələmişdir. O, [[Federiko Fellini]], [[Renato Kastelliani]], [[Lukino Viskonti]], [[Franko Zeffirelli]], [[Mario Moniçelli]], [[Frensis Ford Koppola]] kimi kino rejissorları ilə çalışmışdı. [[1974]]-cü ildə Nino Rota [[Xaç atası 2 (film, 1974)|"Xaç atası 2"]] filminə yazdığı musiqiyə görə ən yaxşı musiqi nominasiyasında nüfuzlu [[Oskar mükafatı|"Oskar" mükafatına]] layiq görülmüşdür.