'''Berlin döyüşü''' [[Sovetlər İttifaqı]]nın [[İkinci Dünya Müharibəsi]]nin sonlarında keçirdiyi ümumi hücumlardan biri olan Berlin Strateji Hücum Hərəkatı sonunda baş verən döyüşdür. Avropa Cəbhəsindəki son ümumi hücum olmaqla birlikdə, [[Nasist Almaniyası]]nın qeyd-şərtsiz təslimi ilə nəticələndiyi üçün müharibəni qurtaran döyüş kimi qəbul edilir. Berlin döyüşü, sadəcə, Berlini almaq üçün girişilən bir hücum idi. Əsas olaraq üç Sovet cəbhəsi qüvvələrinin, hazırda Almaniya ərazisində olan [[Elba çayı]]nın şərqindəki Alman ərazilərinin işğalını qarşısına məqsəd qoyurdu. Elba Alman torpaqlarını şimaldan cənuba təxminən iki yerə bölür. Berlin döyüşü isə, şəhərin Qızıl Ordu birləşmələri tərəfindən ələ keçirilməsi üçün idi, qarşıdurmalar şəhər sərhədləri içində baş verdi və Avropa Cəbhələrində müharibənin sonunu gətirdi.
