|
}}
Həyatı
Orucov Ayaz İsmayıl oğlu 1959-cu il yanvarın 1-də Beyləqan rayonunun Şahsevən kəndində ziyalı ailəsində anadan olmuşdur.
1966-1974-cü illərdə Şahsevən kənd orta məktəbində oxumuş, riyaziyyat fənnində yüksək nəaliyyətlər göstərdiyinə görə, 1974-cü ildə Bakı şəhərində 1 nömrəli Fizika- riyaziyyat təmayüllü məktəbə daxil olmuş və 1976-cı ildə həmin məktəbi bitirmişdir.
Orucov Ayaz İsmayıl oğlu 1980-1985-ci illərdə Azərbaycan İnşaat Mühəndisləri İnstitunun “ Yol-İnşaat “ fakültəsində təhsil almışdır.Bu dövrdə yüksək təhsil göstəricilərinə nail olmuş, eyni zamanda institutun ictimai həyatında fəal iştirak etmişdir. O hələ ikinci kursda oxuyarkən institutun komsomol komitəsinə üzv, daha sonra komsomol komitəsinə katib müavini seçilmiş və özünü bacarıqlı təşkilatçı kimi təsdiq etmişdir. Tələbə inşaat dəstələrində rəhbər vəzifələrdə çalışmışdır. Yaxşı oxumasına və ictimai fəallığına görə professor-müəllim və tələbə kollektivinin xüsusi rəğbətini qazanmış, dəfələrlə fəxri fərmanlarla və müxtəlif mükafatlarla təltif edilmişdir.
Ayaz Orucov əmək fəaliyyətinə 1985-ci ildə tikinti-quraşdırma və neft kimya sahəsində başlamışdır.
Əmək fəaliyyəti dövründə özünü yüksək ixtisaslı və peşəkar bir mütəxəssis kimi doğrultmuşdur. 1985-1989-cu illərdə 6 nomrəli Təmir-Yol-Tikinti trestində usta, sahə rəisi, baş mühəndis işləmişdir.
1989-cu ildən etibarən işlədiyi sahələrdə məsul və rəhbər vəzifələri tutmuşdur. 1989-1990-ci illərdə Azərpromservis, 23 nomrəli trestdə baş mühəndis işləmişdir.
1990- cı ildə Bakı şəhəri İcra hakimiyyətinin əsaslı təmir blokunda baş mühəndis işləyib.
1991-1992-ci illərdə Naringi Kooperativinin sədri, 1992-1994-cü illərdə isə Baki şəhər Nizami rayon İcra Hakimiyyəti Kommunal Təsərrüfat Birliyinin rəisi vəzifələrində çalışmışdır.
1994-1996-ci illərdə Mil Korporasiyası idarə heyətinin sədri seçilmişdir.
Uzun illər iqtisadi, maliyyə və idarəetmə problemləri sahələrində çalışmış, bu sahələrdə özünü təcrübəli, yüksək ixtisaslı mütəxəssis kimi göstərmişdir.
1996-cı ildən Ayaz Orucov “Gidromaşservis” QSC-ni təsis etmiş və bu günə qədər "Gidromaşservis" QSC-yə rəhbərlik edir. "Gidromaşservis" QSC-dəki fəaliyyəti dövründə onun rəhbərliyi altında ölkənin iqtisadiyyatında mühüm rol oynayan layihələr həyata keçirilmişdir. Ağcabədi, İmişli və Sumqayıtda yüksək gərginlikli yarımstansiyalar, uzunluğu 14 kilometr olan kabel xətti tikilmişdir, bir sıra layihələr işıq üzü görmüşdür.
Xüsusi qeyd etmək lazımdır ki, Beyləqan rayonunda 240 şagird yerlik məktəb və 140 yerlik bağçanın tikintisi H.Əliyev fondunun təşəbbüsü ilə “Gidromaşservis” QSC -nin öz vəsaiti hesabına həyata keçirilmişdir.
2007-2013-cü illərdə Ayaz Orucov Azərbaycan Respublikası Məcburi Köçkünlərin Sosial İnkişaf Fondunun direktoru vəzifəsində çalışmışdır.
2010-2015 illərdə dördüncü çağırış Azərbaycan Respublikası Milli Məclisinin deputatı olmuşdur.
İqtisad elmləri doktoru Ayaz Orucov 2013-cü ildən indiyədək Azərbaycan Memarlıq və İnşaat Universitetində “Azərbaycan Mühəndislik İqtisadiyyatı” kafedrasında müəllim işləyir.
Ayaz Orucov 2017-ci ildən etibarən inşaat və daşınmaz əmlak olan "ALGIMA" şirkətinin təsisçisidir. Şirkət İstanbulda yerləşir.
Eyni zamanda yüksək analitik bacarıqlara malikdir. Ayaz Orucov iqtisadiyyatın, sahibkarlığın məqsədəuyğun inkişafı, bazar münasibətləri sisteminin formalaşdırılması və onların təsərrüfat subyektlərinin fəaliyyətinə təsiri ilə məşğuldur. "İqtisadiyyat və audit" elmi-praktik jurnalında Ayaz Orucovun biznes inkişaf problemləri ilə bağlı məqalələri dərc olunmuşdur. Bu problemlə bağlı bir çox elmi konfrans və seminarlarda çıxışlar etmişdir.
Ayaz Orucov həmçinin elmi tədqiqat sahəsində qazandığı nailiyyətlərini iş təcrübəsində də tətbiq edir. –ci ildə "Azərbaycan Respublikası regionlarında sahibkarlıq fəaliyyətinin inkişafı" mövzusunda dissertasiya müdafiə edərək iqtisad elmlər namizədi, -cı ildə isə iqtisad elmləri doktoru adını almışdır. Ayaz Orucov Azərbaycan Respublikası Təhsil Nazirliyinin 594 nömrəli qərari ilə 21 may 2008-ci il tarixində dərslik vəsaiti kimi təsdiq edilmiş "Beynəlxalq iqtisadi münasibətlər" kitabının müəllifidir. Eyni zamanda yeddi elmi məqalənin müəllifidir.
Ayaz Orucov 1996-cı ildən Yeni Azərbaycan Partiyasının üzvüdür.
Təltifləri
2010-cu ildə Azərbaycan Respublikasının Prezidenti cənab İlham Əliyevin fərmanı ilə Ayaz İsmayıl oğlu Orucov "Tərəqqi" medalı ilə mükafatlandırılmışdır. Bu mükafat onun fəaliyyətinin ölkə rəhbərliyi tərəfindən yüksək qiymətləndirilməsi deməkdir.
Ayaz Orucov həmçinin 2001-ci ildə Ukraynanın ən yüksək mükafatı olan "Əmək" ordeni ilə təltif edilmişdir.
| 