Hokusay: Redaktələr arasındakı fərq
Silinən məzmun Əlavə edilmiş məzmun
k White Demon Katsuşika Hokusay səhifəsinin adını yönləndirmənin əksinə dəyişərək, Hokusay adlandırdı |
|||
Sətir 45:
Çəkdiyi bu rəsmlər Yaponiyada manqanın ilk böyük ustası olaraq xatırlanmasına səbəbolur və Yaponiyada müasir manqanın ortaya çıxması kimi qeyd olunur. "Hokusay Manqa" başlığı altında toplanan bu işlər daha çox eskiz tərzindədir. Hokusayın kitabı həmin dövrdə Yaponiyada bütün dövrlərdə ən çox satılan kitaba çevrilir. O qədər məşhur olur və o qədər bəyənilir ki, sonrakı 64 il boyunca 14 yeni "Hokusay Manqa" cildi nəşr olunur. Seriyanın son 3 kitabı Hokusayın 1849-cu ildəki ölümündən sonra çapdan çıxır.
Hokusay əsərlərinin ictimai yerlərdə sərgilənməsini sevirdi. Festivallarda 200 kv. metrlik kağızlarda çəkdiyi əfsanəvi personajların nəhəng rəsmləri ilə performans göstərir, müsabiqələrdə qatılırdı. Əsərlərinin böyük hissəsini 60 yaşından sonra çəkmişdir.
1820-ci ildə özünə Ritsu adını götürür. 1828-ci ildə ikinci həyat yoldaşını itirən Hokusay bir neçə dəfə iflic olur, nəvəsinin borclarına görə maddi çətinliyə düşür. 1830-cu ildə 70 yaşında ikən məşhur "Kanaqavada böyük dalğa" əsərinin də daxil olduğu "Fuci dağının 36 mənzərəsi" adlı rəsm seriyasına başlayır. "Kanaqavada böyük dalğa" əsəri Hokusayın növbəti nəsillərə də ilham mənbəyi olmasına səbəb olur. Bunlarda biri də Vinsent Van Qoqdur. Van Qoq "Ulduzlu gecə" əsərini çəkərkən "Kanaqavada böyük dalğa" əsərindən ilhamlanmışdır.
XIX əsrin ikinci yarısında Yaponiya ilə Fransa arasında diplomatik əlaqələrin nəticəsində Parisdə Yaponiya incəsənəti haqqında bir çox sərgi açılır. Hokusayın 75 yaşında çəkdiyi 3 cildlik "Fuci dağının 100 görünüşü" kitabı Avropa incəsənətində ilham mənbəyi olur.
1839-cu ildə yanğın nəticəsində Hokusayın studiyası və bir çox işi məhv olur. Hokusayın məşhurluğu azalmağa başlayır. Hokusay 10 may 1849-cu ildə ölür. Həyatı boyunca 30 mindən çox iş işləmişdir.
== Astronomiya ==
| |||