Ramiz Əlirza oğlu Babayev [[1940]]-cı il [[8 mart|mart ayının 8]]-də [[Əmircan (Suraxanı)|Bakının Əmircan qəsəbəsi]]ndə fəhlə ailəsində anadan olmuşdur. Atası Əlirza Yengixan oğlu Babayev ([[1894]]-[[1947]]) neft mədənlərində calışmış, anası Aliyə Məlikəhməd qızı Babayeva ([[1919]]-[[1994]]) isə evdar qadın olmuşdur. O [[1947]]-ci ildə Əmircan qəsəbəsindəki 89 saylı orta məktəbdə oxumağa başlamışdır. [[1957]]-ci ildə məktəbi bitirmiş və həmin il [["Azərbaycanfilm" Kinostudiyası|Cəfər Cabbarlı adına "Azərbaycanfilm" kinostudiyasında]] operator köməkçisi vəzifəsində işləməyə başlamışdır. [[1959]]-cu ildə Odessa şəhərində Kinematoqrafiya məktəbinə daxil olmuş və həmin məktəbi [[1962]]-ci ildə bitirdikdən sonra yenidən kinostudiyaya qayıtmışdır. Kinostudiyada işini davam etdirməklə yanaşı, [[1963]]-cü ildə [[Azərbaycan Dövlət Neft Akademiyası|M. Əzizbəyov adına Neft və Kimya İnstitutunun]] Energetika fakültəsinə daxil olmuş və [[1969]]-cu ildə həmin İnstitutu "Elektrik intiqalı və avtomatlaşdırılmış qurğular" ixtisası üzrə bitirmişdir. [[1975]]-ci ildə ailə həyatı qurmuşdur. 2 qız övladı var. [[1986]]-cı ildə [[SSRİ Kinematoqrafçılar İttifaqı]]na üzv seçilmişdir. [[1988]]-ci ildə "Əmək qəhrəmanı" ordeni ilə təltif olunmuşdur. [[1990]]-cı ildə Əmircan qəsəbəsindən deputat secilmişdir. Ramiz Babayev eyni zamanda bir çox filmlərdə epizodik rollarda da çəkilmişdir. O, [[1994]]-cü il [[11 yanvar|yanvarın 11]]-də geniş əhatəli infarktdan vəfat etmişdir.
