Hüseynqulu xanın dövründə bu regionda beynəlxalq vəziyyət çox mürəkkəb idi. [[Rusiya İmperiyası|Rusiya]] və [[Qacarlar|İran]] Bakı xanlığını ələ keçirməyə can atırdılar. Rusiya hökmdarı [[II YekaterinanınYekaterina]]nın [[1793]]-cü il [[19 aprel]] tarixli fərmanı ilə Bakı xanlığı Rusiyanın himayəsinə keçdi. [[1795]]-ci ildə [[Ağa Məhəmməd şah Qacar]]ın [[Cənubi QafqazaQafqaz]]a I yürüşü zamanı Bakı xanlığının da ələ keçirilməsi onun planlarında mühüm yer tuturdu. II Yekaterinanın ölümü və hakimiyyətə gələn I Pavel tərəfindən rus qoşunlarının geri çağrılmasından istifadə edən Hüseynqulu xan Ağa Məhəmməd şah Qacara meyl etdi. Lakin Ağa Məhəmməd şahın 1797-ci ildə Şuşada öldürülməsindən sonra Bakı xanlığının müstəqilliyi yenidən bərpa olundu. Lakin bu uzun çəkmədi. 1803-cü ildə Hüseynqulu xan yenə də Rusiyanın himayəsini qəbul etməyə məcbur oldu. 1804-cü ildə isə bu asılılıqdan imtina etdi.
