Ələsgər Ələkbərov (arxeoloq): Redaktələr arasındakı fərq

==Həyat==

Ələsgər Ələkbərov 1895-ci ildə Bakı şəhərində, xırda sənətkar ailəsində anadan olmuşdu. Uşaq yaşlarında ata-anasını itirir. Əvvəlcə mollaxanada, sonra Bakı rus-tatar məktəbində, 1906-1914-cü illərdə isə [[Bakı realnı məktəbi]]nin pansionunda təhsil alır. 1914-cü ildə [[Vadim Getman adına Kiyev Milli İqtisadiyyat Universiteti|Kiyev Ticarət İnstitutuna]] daxil olur, lakin xəstəliyi səbəbindən, orada təhsilini başa vura bilmir. Sonralar təhsilini [[Bakı Dövlət Universiteti|Azərbaycan Dövlət Universiteti]] Tarix və lisanə (filologiya) fakültəsinin Şərq şöbəsində davam etdirir. 1926-cı ildə təhsilini müvəffəqiyyətlə başa vurur. Universitetdə oxuyarkən [[Vasili Bartold|V.V.Bartold]], {{link-interwiki|az=Nikolay Marr|az_mətn=N.Y.Marr|başqa_dil=ru|başqa_dildə_başlıq=Марр, Николай Яковлеви}} və [[İvan Meşaninov|İ.Meşaninov]] kimi görkəmli şərqşünas alimlərin mühazirələrini dinləmiş, sonuncunun rəhbərlik etdiyi etnoqrafik və arxeoloji ekspedisiyalarda iştirak etmişdi.

1927-ci ildən isə özü ekspedisiyalara rəhbərlik edir (1928-ci ildə Talışda və Gəncə rayonunda, 1931-ci ildə [[Qarabağ]]da və Kürdüstanda, 1935-1937-ci illərdə [[Naxçıvan Muxtar Respublikası|Naxçıvanda]]). [[Örənqala (qədim şəhər)|Örənqala qazıntılarının]] ilk təşkilatçılarından və tədqiqatçılarından biri olur, – qazıntıların nəticələri sonralar onun "Örənqala qazıntıları" adlı məqaləsində geniş şərh edilmişdi. Azərbaycan arxeologiyasında [[Küp qəbirləri mədəniyyəti]]nin öyrənilməsi işi Ələsgər Ələkbərovun adı ilə bağlıdır; o, bu mövzuda [[II Beynəlxalq İran incəsənəti konqresi (Moskva, 1935)|2-ci Beynəlxalq İran incəsənəti konqresində (Moskva, 1935)]] çıxış etmişdi.

[[Şəkil:Azərbaycan Dövlət Muzeyinin elmi kollektivi Şirvanşahlar sarayında (təx. XX əsrin 30-cu illəri).png|thumbnail|Azərbaycan Dövlət Muzeyinin elmi kollektivi Şirvanşahlar sarayında (təx. XX əsrin 30-cu illəri): 1-ci sıra, sağdan: Y.Paxomov (1), 2-ci sıra, sağdan: P.Fridolin (2), A.Bukşpan (3), Q.Qubaydullun (4), İ.Meşşaninov (5), İ.Şeblıkin (7), S.Aşurbəyli (8), 3-cü sıra, sağdan: '''Ə.Ələkbərov''' (3)]]