Azərbaycanda tennis: Redaktələr arasındakı fərq

 

[[Tennis]] [[Azərbaycan]] üçün yad idman növü olmayıb. Azərbaycana tennisi neft mədənlərində işləyən [[alman]]lar və [[ingilis]]lər gətiriblər. Belə ki, [[Bakı]]da ilk dəfə [[tennis kortu]] [[1907]]-ci ildə [[Suraxanı]]da neft milyonçusu [[Alfred Nobel|Nobelin]] bağında qurulub. Bu fakta əsasən də Azərbaycanda tennisin tarixi 1907-ci ildən hesablanır.

 

Qadın tennisçilər arasında ən görkəmli idman ustaları Ağaleva, Boqod, Mantaşeva, Smetenko, Sorokina, İvanova, Fərəcova, o cümlədən beynəlxalq idman ustası Biryukovanı misal gətirmək olar. Kişi tennisçilər arasında isə Spiridonov, S. Mirzə, Danilov, R. Əhmərov, Zinin, İvaşınov və əməkdar idman ustası Lixaçovu fərqləndirmək mümkündür.

 

Bu tennisçilər arasında xüsusi ilə Lixaçovu qeyd etmək lazımdır. 33 il Azərbaycan uğrunda yarışan [[Sergey Lixaçov]], [[1957]]-ci ildə Azərbaycan Çempionu olub və 17 il ardıcıl bu titulu heç kimə verməyib. O, 8 dəfə SSRİ Xalqlarının Spartakiadasında iştirak etməklə rekorda imza atıb.

 

Nəhayət, [[1995]]-ci il [[25 iyun|iyunun 25]]-də müstəqil Azərbaycanda ilk dəfə [[Azərbaycan Tennis Federasiyası]] yaradıldı. Tennis Federasiyasına [[2004]]-cü ildən [[Oqtay Əsədov]] rəhbərlik edir.

 

Tennis Federasiyası yaradıldıqdan sonra əvvəlki nüfuzunu qaytarmaq üçün bir sıra layihələr keçirməyə başladı. O, cümlədən Azərbaycan tennisçiləri yenidən beynəlxalq turnirlərdə öz iştiraklarını bərpa etdilər. Bunun məntiqi nəticəsi kimi [[1996]]-ci ildə ilk dəfə müstəqil Azərbaycan Respublikası [[Türkiyə]]də keçirilən Beynəlxalq “Devis Kuboku” uğrunda yarışlarda iştirak etdi. Yığmanı Borisov, Zarubin, Eyvazov və Qafarov təmsil etmişdirlər.