Dura-Avropos: Redaktələr arasındakı fərq

== Ümumi məlumat ==

[[Selevkilər sülaləsi|Selevki]] çarı [[I Nikator]] (təqribən e.ə. 358 - təqribən e.ə. 280) tərəfindən əsası qoyulmuş, [[Makedoniya|Makedoniyanın]] eyniadlı məskəninin adı ilə Avropos adlandırılmışdır (Dura adı yalnız eramızın I əsrinə aid mənbədə İsidor Xarakslının “Parfiya istehkamları” siyahısında qeyd olunmuşdur). Müntəzəm planlı məskən forması Selevkilər dövrünə aid edilir. Şəhərin mərkəzində aqora, [[Apollon (mifologiya)|Apollon]] (sonralar [[Artemida]] məbədi kimi yenidən tikilmişdi), [[Zevs]] Megistos məbədləri, saraylar (hamısı e.ə. III əsr - e.ə. II əsrin ortalarına aiddir) yerləşirdi. E.ə. 100 -cü ildə [[Parfiya]] şahlığının hakimiyyəti altına keçmişdir; eramızın 160-cı illərində, [[Roma imperatorlarının siyahısı|Roma imperatoru]] [[Lusi Ver|Lutsi Verin]] dövründə [[Palmira|Palmiradan]] [[Antioxiya knyazlığı|Antioxiyaya]] gedən yolu, [[Fərat|Fəratdan]] keçid yerini və Fərat vadisinə qərbdən girişi qoruyan Roma qarnizonunun dislokasiya yeri olmuşdur. III əsrin ortalarında qala regionda nüfuz uğrunda mübarizə aparan Roma imperiyası ilə Sasanilər dövləti arasında sərhəd məntəqəsinə çevrilmişdi. 256-cı ildə qalanın itirilməsi (qazıntılar zamanı 239-272-ci illərdə hakimiyyətdə olmuş I Şapura məxsus sikkələr aşkar edilmişdir) Roma imperatoru Valerianın [[Sasanilər İmperiyası|Sasanilərlə]] müharibədə məğlubiyyətinin əsas səbəblərindən biri olmuşdur. III əsrin ortalarında dağıdıldıqdan sonra bərpa edilməmişdir.<ref>[https://web.archive.org/web/20141109211331/http://www.le.ac.uk/ar/stj/dura.htm Dura-Europos], article by Simon James.</ref>

 

== Mənbə ==