Metsamor AES-in ilkin istismar müddəti dizayna əsasən 2016-cı ildə başa çatmışdır. 2011-ci ildə stansiyada yoxlama aparan Beynəlxalq Atom Enerjisi Agentliyinin ekspertləri stansiyanın istismar müddətindən daha artıq müddətə istifadəsinin mümkün olduğu qənaətinə gəliblər.<ref>[https://jamestown.org/program/armenia-passes-international-nuclear-safety-test/ Armenia Passes International Nuclear Safety Test]</ref> Bununla əlaqədar Ermənistan höküməti stansiyannstansiyanın ikinci blokunun təmir vasitəsilə istismar müddətini 10 il daha, [[2026]]-cı ilə qədər uzatmaq qərarına gəldi. Metsamor AES-in təmirinin maliyyələşdirməsi barədə razılaşma Ermənistan və [[Rusiya]] arasında 2014-cü ildə imzalanıb. Ermənistan Rusiya hökumətindən alınmış maliyyə ilə Metsamor AES-də yenilənmə işləri həyata keçirir və Rusiyadan alınmış bu maliyyəyə 15 illik müddətə verilən 270 milyon dollar kredit və 30 milyon dollar qrant daxildir. Ermənistanın baş naziri [[Nikol Paşinyan]] bildirib ki, maliyyə müddətinin daha bir il - 2020-ci ilə qədər uzadılması haqqında Rusiya hökuməti ilə danışıqlar aparılır.<ref>[https://ordu.az/az/news/156244/pasinyan-aes-haqqinda--maliyye-muddetinin-2020-ci-ile-qeder-uzadilmasi-haqqinda-rusiya-ile-danisiqlar-aparilir Paşinyan AES haqqında: “Maliyyə müddətinin 2020-ci ilə qədər uzadılması haqqında Rusiya ilə danışıqlar aparılır”]</ref> Rusiyanın “[[Rosatom]]” şirkətinin idaretməsi altında olan “Rosatom Servis” şirkəti atom stansiyasının əsaslı təmirini həyata keçirən Baş podratçı şirkətdir. Təmir əsasında 2018-ci ildə başlayan AES-dəki təmirdə generatorlu turbinləri dəyişdirilir. Növbəti il ərzində reaktorun metal divarlarını bərkitmək planlanır. Ermənistan tərəfindən kreditin ödənilməsinə isə AES-in təmiri başa çatdıqdan sonra, 2021-ci ildə başlanılması nəzərdə tutulur. Təmirdən sonra AES bir neçə yüz milyon kvt/saat daha artıq enerji istehsal edəcək. Stansiyanın maksimum istehsal gücü 3.3 milyon kilovatt/saata qədər artırılacaq. Bu əlavə istehsal hesabına kreditin ödənilməsi planlaşdırılır. Təmir nəticəsində Metsamor AES-in istismar müddəti 2026-cı ilədək artırılılacaq.<ref>[https://ordu.az/az/news/152318/metsamor-aes-in-temiri-uzadilir--ermenistan-rusiyaya-kreditlerin-odenilmesini-texire-salacaq “Metsamor” AES-in təmiri uzadılır: Ermənistan Rusiyaya kreditlərin ödənilməsini təxirə salacaq]</ref>
Ermənistan hökuməti dövriyyəyə qoyduğu “2040-cı ilə qədər Ermənistan Respublikasının enerji sektoru inkişafının strateji proqramı”nda 2026-ci ildən sonra da yeni tikiliyə qədər Metsamor Atom Elektrik Stansiyasını istismar etməyə davam etmək niyyətində olduğunu göstərib.<ref>[https://ordu.az/az/news/158311 Ermənistandakı AES əbədi istismar ediləcək]</ref>
