Batur Emin Akyel

Şablon:Obraz məlumat qutusuBatur Emin Akyel- Türkiyəli yazar, rejissor və yapımçı. 30.09.1976-cı ildə Türkiyənin Dənizli şəhərində doğulub.

Həyatı

Batur Emin Akyel 30 sentyabr 1976-cı ildə Türkiyənin Dənizli şəhərində anadan olub. İbtidai, orta və lisey təhsilini Aydın vilayətinin Nazilli şəhərində alıb. 1999-cu ildə Ege Universitetində radio-televiziya və kino ixtisası üzrə təhsil alıb. Təhsil aldığı dövrdə İstanbula gələn Batur Emin Akyel başda Osman Sınav olmaqla bir çox yönətmənlərin yanında çalışaraq rejissor ixtisasına yiyələnib.

O, peşəkar karyerasına 1996-cı ildə rejissor assisenti kimi başlayaraq, sonralar ikinci rejissor, ssenarist, redaktor, pradyüser kimi bir çox layihələrdə çalışıb. 2000-2013-cü illərdə Koliba Film şirkətində baş direktor olaraq çalışıb.

Daha sonra o karyerasını özünün yaratdığı İqlim Film və CABIN Creative Agency-Events –də davam etdirmişdir. Kırşehir Ahi Evran Universiteti, Elazığdakı Fırat Universiteti, İstambuldakı Özəl Üsküdar Universitetləri kimi ali təhsil ocaqlarında təcrübə- seminar proqramlarında iştirak edib. 2018-ci ilin noyabrında Azərbaycanın ilk Turizm və Biznes kanalı olan Qafqaz TV-nin dəvəti ilə Bakıya gələn Batur Emin Akyel burda  rejissoru olduğu “Məddah” filminin göstərisində iştirak edib.

Qafqaz TV-nin direktoru, yaradıcı yönətmən Eltən Qədimbəylinin müəllifi olduğu “Çöldə Yaşam Öyüdləri” verilişinin qonağı olub və bu verilişdə öz uğur açarını paylaşıb.

Batur Emin Akyel hazırda “MEDİAMASTER” film şirkətində bədii rəhbər olaraq çalışır və Qafqaz TV ilə məsləhətçi kimi iş birliyi var.

Bakıda yaşayır, ailəlidir, 2 övladı var.

Filmoqrafiyası

Quruluşçu rejissoru olduğu TV seriallar:

1. Kuzenlərim (TRT)
2. Həyat Türküsü (TRT)
3. Məni Unutma (TRT)
4. Körpü (Star TV)
5. Geniş zamanlar (StarTV)
6. Gecə səsləri (Show TV)
7. Firar (Star TV)
8. Canan (Fox TV)
9. Evlərdən biri (StarTV)
10. Fatih-Harbiye(ShowTV)
11. Eşq qapını döyüncə (Star TV)
12. Türkan (Kanal D)
13. Dağlar Dəlisi (Star TV)
14. Maskalı Balo (Star TV)
15. Fərhad ilə Şirin (FoxTV)

TV karyerası zamanı çəkilişlərində iştirak etdiyi  600 bölümdən çox serialların bir hissəsi, başda Türkiyə olmaqla əllidən çox ölkədə yayımlanaraq uğur qazanıb.

Filmlərdə:

1. Vali (2009)
2. Karvan 1915 (2015)
3. Arabani (2013) adlı İsrail filmi kimi filmlərdə həmrejissor olub.

Prodüsseri olduğu film:

Məddah (2013)

Yazarı olduğu filmlər:

Vali (2009)

Məddah (2013)

Rejissoru olduğu filmlər

Vali (2009)

Məddah (2013)

İştirakçısı olduğu kinofestivallar:

“Vali” filmi

• 33-cü  Qahirə Film Festivalı (Misir -2010)

“Məddah” filmi

• 13-cü Boston Beynəlxalq Film Festivalı (2013- ABŞ)
• 11-ci Bankok Dünya Film Festivalı (2013- Tayland)
• 18-ci Kerala Beynəlxalq Film Festivalı (Festivalın rəsmi hissəsində. 2013- Hindistan)
• 2-ci Roterdam Qırmızı Tülpan Film Festivalı (2014- Niderland)

İstanbul qısametrajlı filmlər festivalında münsiflər heyətinin üzvi olub.

Rejissoru olduğu sosial çarxlar və reklam xarakterli filmlər

• Dənizbank- Dəniz Akademiyasının reklam filmi
• Kəsişən yollar - Əczacıbaşı Topluluğu Future Fit
• Antalya Muratpaşa - Bələdiyyə haqqında film
• Lion qısametrajlı film festivalı haqqında reklam filmi

Mənbələr:

1.    http://www.kameraarkasi.org/yonetmenler/batueminakyel.html

2.    https://cz-news.net/news/batur+emin+akyel

3.    http://www.beyazperde.com/sanatcilar/sanatci-254225/

4.    https://mywed.com/ru/photographer/Cabin/

5.    https://www.intersinema.com/batur-emin-akyel-filmleri/

6.    https://www.trthaber.com/haber/kultur-sanat/8-yeni-film-vizyonda-122401.html