İlməzli: Redaktələr arasındakı fərq

1988-ci ilə qədər İlməzli kəndinin tarixi təqribən 250 (iki yüz əlli )il civarında olmuşdur. Bu barədə bir o qədər tarixi materiallar olmasada, bu ərazilərdə doğulmuş bəzi elm adamlarının yazılarında bu tarixə istinad olunacaq bəzi yazılara rast gəlmək mümkündür. Kalinino rayonunda Privolnoe kəndi var. Bu kənddə vaxtıilə rus molokanları yaşamışlar. Privolnudan olan bir rus elm adamı yazdığı "Zakafkazskaya Ballada" kitabında göstərir ki, hələ car rusiyası dövründə molokanların Privolnuya köçürülməsinin 100 (yüz) illiyi qeyd olunarkən molokanlar çıxışlarında qeyd edirdilər ki, biz buralara köç edəndə bu ərazilərdə üç türk kəndi var idi İlməzli,Cücəkənd və Qaraisəli.Bundan əlavə kənd ağsaqqalarının danışdıqlarını nəzərə alsaq bu nəticəyə gəlmək olar. İlməzli kəndi rayonda ən böyük kəndlərdən biri olmuşdur.İlməzlidə ilk orta məktəb 1929-cu ildən fəaliyyətə başlamışdır.İlməzli kəndi Dağ Borçalının elmə, təhsilə ən çox maraq göstərən kəndlərindən biri idi. Belə ki, İlməzli orta məktəbi o dövr üçün demək olar ki, Kalinino və Dmanisi rayonlarında yeganə orta məktəb idi. Bundan başqa İlməzli orta məktəbinin nəzdində internat da fəaliyyət göstərirdi ki, bu da kənar kəndlərdən gələn şagirdlər üçün nəzərdə tutulurdu.İlməzli orta məktəbində dövrünün çox savadlı müəllim kollektivi var idi.