Abbasilər: Redaktələr arasındakı fərq

Silinən məzmun Əlavə edilmiş məzmun
Sətir 19:
 
== Xilafətə gəlmələri ==
Onların soyu [[Məhəmməd]] peyğəmbərin əmisi [[Abbas ibn Əbdülmüttəlib|Abbas ibn Əbdülmüttəlibə]] qədər yüksəlir. [[Əməvilər xilafəti]] əllərinə keçirdikdən sonra, ilk vaxtlarda Abbasilər onlara qarşı müxalif olmamış, lakin sonralar Əməvilərə qarşı üsyana qoşulmuş, hətta bu üsyana başçılıq belə etmişdirlər. Abbasilərin hakimiyyətə gəlmə tarixi ''[[Abdullah ibn Zübeyr|Abdullah ibn Zübeyrin]]'' zamanından başlamışdır. O dövrlərdə [[Muxtar Səqəfi]] adlı bir şəxs iraqlıları [[Hüseyn ibn Əli|Hüseyn ibn Əlini]] şəhid edənlərdən qisas almağa və Məhəmməd ibn Hənəfiyyənin imam kimi tanınmasına (bax: [[Qeysanilər]]) çağırışlar etmişdir. Onun səylərinin nəticəsində Taifdə [[Məhəmməd ibn Hənəfiyyə|Məhəmməd ibn Hənəfiyyənin]] imamlığını tanıyan bir qrup ortaya çıxmışdır. Onlar onun vəfatından sonra öz başçıları kimi oğlu Abdullahı tanımışdırlar. O, daha çox Əbu Həşim adı ilə tanınırdı. Əbu Həşim Əməvilərə qarşı üsyana qalxmışdır. Sonra o, Abbasın soyundan olan qohumu Məhəmməd ibn Əli ibn Abdullahın yanına gedərək, Məhəmməd peyğəmbərin soyunun hakimiyyətdə olmasının və Əməvilərin devrilməsinin vacibliyini qeyd etmişdir. Məhəmməd ibn Əli ibn Abdullah da onun bu çağırışını dəstəkləmiş, hicrətin 100-cü ilindən başlayaraq Əməvilərə qarşı yönələn təbliğata qoşulmuşdur.
 
Əbu Həşimin ölümündən sonra, onun ''xəlifə'' Süleyman ibn Əbdül-Məlik tərəfindən zəhərləndiyi haqqında şaiyələr yayılmışdır. Ölümündən öncə o, öz yerinə Məhəmməd ibn Əlini təyin etmişdir.