Müqavilə 10 mart 1735-ci ildə Səfəvilər tərəfdən Nadir şah Əfşar, Çar Rusiyası tərəfdən isə knyaz Qolitsın tərəfindən imzalanmışdı. Müqavilənin imzalandığı ildə Nadir şah Gəncə qalasını mühasirəyə almışdı və Osmanlı qüvvələri ilə döyüşlər gedirdi. Razılığa da elə Gəncə yaxınlığında Nadir şahın düşərgəsində gəlinmişdi. Lakin 1747-ci ildə Nadir şahın ölümündən sonra Rəşt müqaviləsi və Gəncə müqaviləsi ləğv olundu.<ref>http://elibrary.bsu.az/books_aysel/N_389.pdf s.123</ref>
Müqavilənin şərtlərinə görə Nadir şah də Rusiyanın düşmənlərini öz düşməni hesab edir və qaytarılan torpaqları bir də heç vaxt Osmanlılara verməməyi öz üzərinə götürürdü. Rusiya isə 19-21 mart 1735-də bütün Xəzəryanı vilayətlərdən (Kürün axarından Dərbəndədək) biryolluq çıxmağa razı oldu. Bu andlaşmaya görə, Rusiya Bakını 15 günə, Dərbəndi 2 aya boşaltmalıydı, Nadirsə öhdəsinə götürdü ki, Rusiyanın daimi müttəfiqi olacaq, Bakı və Dərbəndi heç kəsə verməyəcək. Solaq qalası Rusiya və Səfəvi dövlətləri arasında sərhəd oldu. Dövlətlər bir-birindən xəbərsiz Osmanlıyla müqavilə bağlamamağa da razılaşdılar. Lakin Nadir şah 1746-da Osmanlılarla müqavilə bağlayarkən rusların rəyini nəzərə almamışdı.<ref>{{cite book |last= |first=Ədalət Tahirzadə |date=2005 |title=Nadir şah Əfşar (Tərcümeyi-hal oçerki) |url= http://wwwelibrary.historybsu.az/pdfbooks_aysel/N_389.php?item_idpdf|location=20110512082555016&extBakı |publisher=pdf “Çıraq” |page=10 |isbn= |author-link=}}</ref>
