|
Təsadüfi deyil ki, Fondun Ermənistan-Azərbaycan [[Dağlıq Qarabağ]] münaqişəsi ilə bağlı yaratdığı internet portalı, müxtəlif dillərdə hazırladığı “Qarabağ həqiqətləri” adlı bukletlər dünya ictimaiyyətini Ermənistanın əsrlər boyu Azərbaycanlılara qarşı apardığı soyqırımı və etnik təmizləmə siyasəti haqqında daim məlumatlandırır. [[UNESCO|UNESCO-nun]] xoşməramlı səfiri kimi bu təşkilatın bütün tədbirlərində qaçqın və məcburi köçkün ailələrindən olan uşaqların təhsili, həmçinin işğal olunmuş Azərbaycan torpaqlarında erməni vandalizminə məruz qalmış, dağıdılmış tarixi abidələrlə bağlı problemlərə toxunaraq beynəlxalq ictimaiyyətin diqqətini Azərbaycan ərazisinin 20 %-nin Ermənistan tərəfindən işğal olunması məsələsinə yönəldən Mehriban Əliyevanın rəhbərliyi ilə hazırlanan bu layihə əzəli [[Azərbaycan]] torpağı olan Qarabağ haqqında həqiqətləri dünya ictimaiyyətinə olduğu kimi çatdırmaq məqsədi ilə həyata keçirilmişdir.
Bununla yanaşı, Fondun dəstəyi ilə hər il müxtəlif ölkələrdə Xocalı faciəsinə həsr olunmuş konfranslar, tədbirlər keçirilir, ermənilərin [[Xocalı|Xocalıda]] törətdikləri soyqırımı, insanlıq əleyhinə və müharibə cinayətləri barədə məlumatlandırma kampaniyası aparılır. Bu mənada, Heydər Əliyev Fondunun vitse-prezidenti Leyla Əliyevanın təşəbbüsü ilə [[2008]]-ci ildə başladılmış “Xocalıya ədalət!” beynəlxalq kampaniyası xüsusi olaraq qeyd edilməlidir. Kampaniyanın əsas məqsədi [[Xocalı soyqırımı]], Ermənistan-Azərbaycan [[Dağlıq Qarabağ]] münaqişəsinin tarixi səbəbləri və nəticələri, həmçinin Ermənistan silahlı qüvvələrinin Azərbaycanın işğal olunmuş Dağlıq Qarabağ regionu və ətraf yeddi rayondan tam, qeyd-şərtsiz və dərhal çıxarılmasının zəruriliyi ilə bağlı beynəlxalq maarifləndirmənin artırılmasını özündə ehtiva edir. Təsadüfi deyil ki, məhz bu kampaniyanın başlanmasından sonra bir sıra ölkələrin parlamentlərində Xocalı soyqırımının tanınması ilə bağlı qərarlar qəbul edilmiş, ayrı-ayrı dövlətlərdə Xocalı soyqırımı abidələri ucaldılmışdır.
[[Heydər Əliyev Fondu|Heydər Əliyev Fonduna]] rəhbərlik etdiyi, [[Milli Məclis|Milli Məclisə]] deputat seçildiyi vaxtdan bəri ölkə həyatının elə bir sahəsi olmayıb ki, Mehriban xanım Əliyevanın diqqətindən kənarda qalsın. Daim seçicilərinin yanında olan, onların problemlərini dinləyən və həll edən deputat kimi bütün xalqın rəğbətini və məhəbbətini qazanan Mehriban xanım Əliyevanın Birinci vitse-prezident təyin edilməsi hər bir azərbaycanlını ürəkdən sevindirirdi. Çünki, [[Heydər Əliyev|Ümummilli Lider Heydər Əliyevin]] ölməz ideyalarına bütün varlığı ilə bağlı olan, Prezident [[İlham Əliyev|İlham Əliyevin]] həyata keçirdiyi çoxşaxəli daxili və xarici siyasətə layiqli töhfələrini verən Heydər Əliyev Fondunun prezidentinin Ulu Öndərin memarı və qurucusu olduğu müstəqil Azərbaycan dövlətinin ali idarəetmə sistemində ikinci yüksək vəzifəni daşımasına çoxdan siyasi və mənəvi haqqı çatırdı. Xalqımızın milli mədəniyyətinin, mənəvi dəyərlər sisteminin qorunmasında, cəmiyyətə sağlam dəyərlərin aşılanmasında Mehriban xanımın müstəsna xidmətləri onu cəmiyyətə mötəbər ictimai-siyasi xadim kimi tanıtmışdı. Mehriban xanım Əliyevanın [[Azərbaycan Respublikası|Azərbaycan Respublikasının]] Birinci vitse-prezidenti təyin olunmasının səbəbi böyük idarəçilik təcrübəsi və xalqının sevgisini qazanması ilə yanaşı, həm də ölkə Prezidenti [[İlham Əliyev|İlham Əliyevin]] ən yaxın silahdaşı, yardımçısı, mənəvi dəstəkçisi olması ilə bağlı idi. Daha doğrusu, Azərbaycanın birinci xanımı Birinci vitse-prezident təyin olunana qədər deputat və Fond rəhbəri kimi reallaşdırdığı uğurlu layihələrlə, dövlət müstəqilliyimizin əsaslarının və Prezident [[İlham Əliyev|İlham Əliyevin]] liderlik nüfuzunun möhkəmlənməsinə geniş ictimai dəstək qazandırmışdı.
Mehriban xanım Birinci vitse-prezident kimi keçirdiyi ilk müşavirədə də [[qaçqın]] və [[Məcburi köçkünlər|məcburi köçkünlərin]] problemlərini, bu istiqamətdə görülən işləri diqqət mərkəzində saxladı, bundan sonra da görüləcək işləri, qarşıda duran vəzifələri diqqətə çatdırdı. O, yeni missiyasına başlamaqla ağır sosial şəraitdə yaşayan insanların problemlərinin həlli üçün qısa müddətdə yeni layihənin həyata keçiriləcəyini vurğuladı. Təsadüfi deyil ki, Mehriban xanım Əliyeva mətbuata müsahibələrinin birində belə deyir: “Uğur xatirinə uğur, hakimiyyət xatirinə hakimiyyət və ambisiya mənim üçün heç vaxt aparıcı motiv olmayıb. Əsas məsələ odur ki, ehtiyacı olan insanlara kömək edəsən”.
=== Humanitar sahədə fəaliyyəti ===
==== Təhsil sahəsi üzrə görülən işlər ====
Mehriban xanım Əliyevanın bilavasitə təşəbbüsü ilə uşaq və yeniyetmələrin təhsili və təlimi sahəsində nəhəng layihələrin həyata keçirilməsinə də xüsusi nəzər salmaq lazımdır. Azərbaycanın birinci xanımı daim uşaqları diqqətdə saxlayır, xüsusən də valideyn qayğısından məhrum olan, xəstə uşaqların əsl himayəçisi kimi fəaliyyət göstərir. Bir sözlə, Azərbaycanın birinci xanımı Mehriban Əliyevanın və [[Heydər Əliyev Fondu|Heydər Əliyev Fondunun]] vitse-prezidenti Leyla Əliyevanın təşəbbüsü ilə uşaq və yeniyetmələrin sağlamlığı, təhsili, hərtərəfli inkişafı üçün böyük layihələr həyata keçirilir.
Azərbaycanda təhsil sisteminin inkişafı sahəsində əsaslı dönüşün yaradılmasında dövlət başçısının səmərəli fəaliyyəti ilə yanaşı, Heydər Əliyev Fondunun, şəxsən Mehriban xanım Əliyevanın böyük əməyi göz qabağındadır.
Təhsilin məzmunca yeniləşməsi, informasiya texnologiyalarının məktəblərdə geniş tətbiqi və müasir tələblərə cavab verən yeni layihələrin bu sahədə tətbiq olunması məsələləri Fondun diqqət mərkəzindədir.
Azərbaycanın I vitze prezidenti, [[YUNESKO]] və [[İSESKO]]-nun xoşməramlı səfiri Mehriban Əliyeva [[İlham Əliyev|Prezident İlham Əliyevin]] uğurla davam etdirdiyi təhsil strategiyasının həyata keçirilməsinə öz töhfəsini verir. Ölkənin inkişafında təhsilin misilsiz əhəmiyyəti olduğunu nəzərə alan [[Heydər Əliyev Fondu]] bir neçə iri miqyaslı layihələr hazırlayaraq həyata keçirmişdir.
Bu baxımdan "Yeniləşən Azərbaycana yeni məktəb" proqramı xüsusi əhəmiyyət kəsb edir. Layihənin müəllifi Mehriban xanım Əliyevanın olduğu bu proqramda [[Azərbaycan|Azərbaycanın]] rayon və şəhərlərində yeni məktəb binalarının tikilib istifadəyə verilməsi, təhsil ocaqlarının əsaslı təmiri, maddi-texniki bazasının yaxşılaşdırılması, təhsilin keyfiyyətinin qaldırılması əsas məsələlər sırasındadır.
Təkcə [[2005]]-[[2007]]-ci illərdə 60-dan çox rayonda 200 məktəb binası tikilmişdir. Respublikada uşaq evlərinin və internatların əsaslı şəkildə yenidən qurulmasına dair "Uşaq evlərinin və internat məktəblərinin inkişafı proqramı" çərçivəsində 29 uşaq müəssisəsi əsaslı şəkildə təmir edilmiş, əlavə yardımçı binalar tikilmiş, təzə avadanlıqlarla təmin olunmuşdur. Son illərə qədər ölkənin bütün regionlarında təhsil sistemindəki əsas problemlər Mehriban xanımın qayğısı və diqqəti nəticəsində artıq öz həllini tapmışdır. Ümumiyyətlə, belə bir münasibət ölkəmizin pedaqoji kollektivlərini, bütün müəllimləri, tərbiyəçiləri saf əqidəli, dərin bilikli, geniş dünyagörüşlü, ən başlıcası Vətənini alovlu məhəbbətlə sevən uşaqların və gənclərin tərbiyə edilməsinə səfərbər edir.
[[Heydər Əliyev Fondu|Heydər Əliyev Fondunun]] uşaqların problemləri ilə belə yüksək səviyyədə məşğul olması, bu sahədə səmərəli fəaliyyət göstərməsi çox xeyirxah və şərəfli bir işdir. Çünki uşaqların həyatına diqqət ölkənin gələcəyi ilə məşğul olmaq deməkdir.
==== Mədəniyyət sahəsi üzrə görülən işlər ====
[[Azərbaycan]]-[[UNESCO]] münasibətlərinin inkişaf etdirilməsi sahəsində Heydər Əliyev Fondunun prezidenti Mehriban xanım Əliyevanın gördüyü işlər xüsusi əhəmiyyət kəsb edir. Mehriban xanım Əliyeva [[1995]]-ci ildən etibarən [[Azərbaycan Mədəniyyətinin Dostları Fondu|Azərbaycan Mədəniyyətinin Dostları Fondunun]] xətti ilə [[Azərbaycan mədəniyyəti|Azərbaycan mədəniyyətinin]] dünyaya tanıdılması istiqamətində uğurla fəaliyyət göstərmişdir. O, Azərbaycanın zəngin mədəniyyətinin qorunması, öyrənilməsi və təbliğindəki xidmətlərinə görə UNESCO tərəfindən [[2004]]-cü ilin avqust ayında [[UNESCO|UNESCO-nun]] şifahi ənənələr və musiqi ənənələri sahəsində Xoşməramlı səfiri adına layiq görülmüşdür. Məhz Mehriban xanım Əliyevanın YUNESKO təşkilatında uğurlu fəaliyyətinin nəticəsidir ki, azərbaycanın çoxsaylı abidələri, qeyri maddi-mədəni irs nümunələri [[UNESCO|UNESCO-nun]] reprezentiv siyahısına daxil edilib.
Mehriban xanımın rəhbərliyi ilə [[Heydər Əliyev Fondu|Heydər Əliyev Fondunun]] Azərbaycan mədəniyyətinin inkişafı istiqamətində həyata keçirdiyi iri miqyaslı tədbirlər həm ölkədə, həm də beynəlxalq aləmdə böyük rezonans doğurub. [[Azərbaycan|Azərbaycanın]] birinci vitse prezidenti, birinci xanımının rəhbərlik etdiyi fond [[2004]]-cü ildən Azərbaycan xalqının taleyi üçün misilsiz əhəmiyyət kəsb edən mədəniyyət və incəsənətin bütün sahələrinin inkişafını diqqətdə saxlayıb.
Artıq Azərbaycan mədəniyyəti, incəsənəti, muğamı beynəlxalq aləmdə özünəməxsus yer tutub. Mehriban xanım 1995-ci ildən [[Azərbaycan Mədəniyyətinin Dostları Fondu|"Azərbaycan Mədəniyyətinin Dostları" Fondu]] vasitəsilə ölkəsinin mədəni zənginliyi haqqında dünya miqyasında təbliğatın daha da genişləndirilməsi, eləcə də festivallar, sərgilər, konsert və digər mədəniyyət tədbirlərinin həyata keçirilməsi təşəbbüsü ilə çıxış etməklə bu zənginliyin milli və regional səviyyələrdə qorunması istiqamətində mühüm işlər görmüşdür.
Mehriban xanımın təşəbbüsü ilə Azərbaycan xalq sənəti olan muğamınyaşadılması, inkişaf etdirilməsi istiqamətində xeyli işlər görülmüş, musiqi məktəblərinə diqqət arıtırılmış, regionlarda muğam müsabiqələri, [[Bakı|Bakıda]] isə Beynəlxalq Muğam Festivalları təşkil edilir. Azərbaycan xalqının təkrarsız və unikal xalq musiqisi incisi sayılan muğam sənətinin inkişaf etdirilməsi məqsədi ilə Bakıda [[Beynəlxalq Muğam Mərkəzi]] də yaradılmış və Mərkəzdə tez-tez muğam ustalarının ustad dərsləri, konsertlər, müsabiqələr keçirilir.
[[2005]]-ci ildən başlayaraq Azərbaycanın musiqi incilərindən olan muğamın inkişafı və təbliği ilə bağlı mühüm əhəmiyyət kəsb edən tədbirlər həyata keçirir. Muğam sənətinin inkişafı və qorunması istiqamətində atılan növbəti addım “Qarabağ xanəndələri” musiqi albomunun nəfis şəkildə buraxılması oldu. Fondun təşəbbüsü ilə keçirilən “Muğam dünyası” Beynəlxalq Festivalda isə dünyanın muğam biliciləri Azərbaycana toplaşaraq muğamın qorunub saxlanılması və inkişaf etdirilməsi barədə fikir mübadiləsi apardılar. Beynəlxalq elmi simpoziumda və Beynəlxalq Muğam müsabiqəsində [[İran]], [[Suriya]], [[İraq]], [[Mərakeş]], [[Özbəkistan]], [[Tacikistan]], [[Qazaxıstan]], [[Misir]], [[Türkiyə]], [[Almaniya]] və başqa ölkələrin muğam ustaları bir araya gələrək paytaxt [[Bakı|Bakını]] muğam sənətinin tarixində yeni bir mərhələnin başlanğıcının yazıldığı məkana çevirdilər.
[[Heydər Əliyev Fondu]] Azərbaycanı mədəniyyətlərarası dialoq-barış məkanına çevirib. Mədəniyyətin inkişafı, dünyaya inteqrasiya etməsi, mədəniyyətə qayğı Mehriban xanım Əliyevanın milli-mənəvi irsə necə böyük həssaslıqla yanaşdığını bir daha göstərir.
Fondun dəstəyi ilə Azərbaycann [[Qəbələ]] rayonunda keçirilən Beynəlxalq Musiqi Festivalı və pianoçuların beynəlxalq müsabiqəsi dünyanın 16 ölkəsindən – [[ABŞ]], [[Fransa]], [[İsrail]], [[Meksika]], [[Polşa]], [[Rusiya]], [[İtaliya]], [[İspaniya]] və digər inkişaf etmiş dövlətlərdən gəlmiş məşhur musiqiçilərin iştirak edir, çoxsaylı musiqi ustadlarını yenə də [[Azərbaycan|Azərbaycanda]] bir araya gəlirlər. Festival çərçivəsində məşhur pianoçuların təşkil edəcəyi ustad dərsləri gənc musiqiçilər üçün böyük töhfədir.
[[Heydər Əliyev Fondu]] Azərbaycanın mədəniyyət tarixində silinməz iz buraxacaq layihələrin həyata keçirilməsində fəaliyyətini davam etdirir.
Mehriban xanım Əliyeva təkcə Azərbaycanda deyil, eləcə də beynəlxalq mədəni proseslərdə yaxından iştirak edir, xüsusilə mədəniyyətlərarası dialoqla bağlı təşəbbüslərə xüsusi diqqət göstərir. Onun qayğısı və təşəbbüsü ilə mədəni müxtəlifliyə, mədəniyyətlər və dinlərarası dialoqa həsr edilmiş nüfuzlu beynəlxalq konfranslar təşkil olunur.
Tarixi-dini, mədəni abidələrin qorunması və bərpası həmişə fondun prezidentinin diqqət mərkəzində olub. Fond, həmçinin digər dinlərə və mədəniyyətlərə məxsus abidələrin də bərpasına böyük qayğı ilə yanaşır.
[[Heydər Əliyev Fondu]] [[Fransa|Fransanın]] [[Versal sarayı|Versal sarayında]] iki abidənin də bərpasına maliyyə dəstəyi verməsi mədəniyyətə olan qayğının bariz nümunəsidir. Beynəlxalq miqyasda böyük layihələrin həyata keçirilməsi təkcə bununla kifayətlənmir. [[Heydər Əliyev Fondu]] Strasburq Kafedral kilsəsinin təmirinə də maliyyə yardımı ayırmış, Azərbaycanın müsbət imicinin formalaşması və təşviqinə böyük diqqət göstərir.
==== İdman sahəsi üzrə görülən işlər ====
Mehriban xanım Əliyevanın həyatımızın prioritet sahələrindən biri olan uşaqların sağlamlığının qorunması sahəsindəki xeyirxahlıq fəaliyyəti onu nəinki ölkəmizdə, hətta dünyanın bir çox ölkəsində məşhur etmişdir. Gələcəyimiz olan yüzlərlə uşağın sağlamlığını özünə qaytarmaqla saysız-hesabsız ailəyə xoşbəxtlik, səadət və sevinc gətirmişdir.
Mehriban xanım Əliyeva öz fəaliyyətində Azərbaycanda idmanın inkişafına da xüsusi önəm verir. [[2004]]-cü il 28 dekabrda Mehriban Əliyeva [[Azərbaycan Respublikası]] [[Milli Olimpiya Komitəsi|Milli Olimpiya Komitəsinin]] IV Baş Məclisində MOK-un İcraiyyə Komitəsinə üzv seçilib.
Mehriban xanım Beynəlxalq Gimnastika Federasiyasının bədii gimnastika üzrə dünya kubokunun “A” kateqoriyalı mərhələsinin ([[2003]]), Dünya kubokunun ([[2004]]), 27-ci Dünya çempionatının ([[2005]]), 23-cü ([[2007]]), 25-ci ([[2009]]) və 30-cu (2014) Avropa çempionatlarının Azərbaycanda keçirilməsinə dair qərarın qəbul olunmasında həlledici rol oynayıb. Milli Gimnastika Federasiyasının Prezidenti kimi Mehriban xanım Əliyeva gənc nəslin fiziki-mənəvi sağlamlığının təminatı məqsədilə genişmiqyaslı iş aparır. Azərbaycanda bədii gimnastikanın uğurları, eyni zamanda [[2008]]-ci ilin iyun ayında Bakıda növbəti dünya çempionatının keçirilməsi onun bu sahəyə olan xüsusi diqqətini göstərir.
Onun bu sahədə böyük uğurlara nail olması, [[2004]]-cü ildə [[Azərbaycan Respublikası]] [[Milli Olimpiya Komitəsi|Milli Olimpiya Komitəsinin]] IV Baş Məclisində MOK-un İcrayə Komitəsinə üzv seçilməsi ölkəmizdə idmanın inkişafında məqsədyönlü fəaliyyətinin aparılmasına öz təsirini göstərdi.
[[2012]]-ci il 8 dekabrda Avropa Olimpiya Komitəsi Baş Assambleyası [[2015]]-ci ildə [[I Avropa oyunları|I Avropa Oyunlarının]] [[Bakı|Bakıda]] keçirilməsi haqqında qərar qəbul etdi.
[[I Avropa oyunları|Birinci Avropa Oyunlarını]] yüksək səviyyədə keçirmək məqsədi ilə 2013-cü il yanvarın 17-də Təşkilat Komitəsi yaradıldı və onun sədri Mehriban xanım Əliyeva təyin olundu.
21 yanvar [[2016]]-cı ildə, “Bakı-2015” [[I Avropa oyunları|Birinci Avropa Oyunları]] Təşkilat Komitəsinin sədri Mehriban Əliyevaya Avropada idmanın inkişafında göstərdiyi xüsusi xidmətlərə görə Avropa Olimpiya Komitələrinin İcraiyyə Komitəsinin qərarı ilə Avropa Olimpiya Komitələrinin ən yüksək mükafatı olan Ali Orden təqdim edilib.
==== Xeyriyyəçilik fəaliyyəti ====
Mehriban xanım Əliyevanın beynəlxalq səviyyədə gördüyü işlər cavabsız qalmamış, dünya dövlətləri, nüfuzlu təşkilatlar tərəfindən müxtəlif adlara və mükafatlara layiq görülmüşdür. Onun hər bir uğuru Azərbaycanın nailiyyəti və yüksəkliyidir. O, [[2004]]-cü ildən Azərbaycanın şifahi xalq ədəbiyyatının və musiqi irsinin qorunub-saxlanılması və inkişaf etdirilməsi sahəsindəki yorulmaz səylərinə görə, [[YUNESKO|YUNESKO-nun]] Xoşməramlı Səfiri adını daşıyır. [[2005]]-ci ildə Mehriban xanım Əliyeva “İlin Qadını” seçilib. 2005-ci ildə ictimai, mesenatlıq və xeyriyyəçilik fəaliyyətinə görə, təhsil və mədəniyyət müəssisələrinin dəstəklənməsinə, Rusiya və Azərbaycan xalqları arasında dostluğun möhkəmlənməsinə sanballı töhfələrinə görə, Rusiyanın “Yüzilliyin mesenatları” Beynəlxalq Xeyriyyə Fondunun “Yaqut Xaç” ordeninə, sivilizasiyalararası dialoq da daxil olmaqla, müxtəlif sahələrdə genişmiqyaslı və fədakar fəaliyyətinə, qayğıya ehtiyacı olan uşaqlara diqqətinə, təhsilə, həmçinin, islam aləmində görülən işlərə böyük dəstəyinə görə, [[İSESKO|İSESKO-nun]] Xoşməramlı Səfiri adına layiq görülüb.
Genişmiqyaslı xeyriyyəçilik fəaliyyətinə, bəşəriyyətin ali ideallarına xidmət sahəsində yüksək nailiyyətlərinə görə, “Qızıl ürək” beynəlxalq mükafatına layiq görülməsi onun dünya miqyasında əməllərinin, birmənalı olaraq, qiymətləndirilməsini əyani olaraq təsdiqləyir. İctimai, mesenatlıq və xeyriyyəçilik əməlləri, xalqlar arasında dostluğun möhkəmlənməsi, sivilizasiyalararası dialoq da daxil olmaqla, müxtəlif sahələrdə genişmiqyaslı və fədakar fəaliyyət, qayğıya ehtiyacı olan uşaqlara, təhsilə diqqət və s. Mehriban Əliyevanın humanizm prinsiplərindən qaynaqlanır.
Cəmiyyətin sosial qayğılarına daim diqqət yetirən [[Heydər Əliyev Fondu|Heydər Əliyev Fondunun]] xətti ilə indiyədək 10 minə yaxın insan müayinə olunub, müalicə kursu keçib. Bu dövr ərzində 763 nəfər xəstə respublikanın müxtəlif tibb müəssisələrində cərrahiyyə əməliyyatı olunub, 100 nəfərdən çox xəstənin əməliyyat və müayinəsi xarici ölkələrdə aparılıb. [[Heydər Əliyev Fondu]] [[2004]]-cü ildən “Diabetli uşaqlara ən yüksək qayğı” layihəsi çərçivəsində bu xəstəliyə düçar olmuş 14 yaşınadək uşaqları müntəzəm olaraq insulin preparatları və şpris-qələmlərlə təmin edir. Artıq istifadəyə verilən Talassemiya Mərkəzi ölkədə qan xəstəliklərinin müalicə və profilaktikasında əhəmiyyətli irəliləyişə təkan verəcək. Bu mərkəz ən müasir avadanlıqla təchiz edilib. [[Heydər Əliyev Fondu]] tibb ocaqlarının, uşaq müalicə-profilaktika müəssisələrinin yenidən qurulmasında, müasir avadanlıqla təchizatında iştirak edir. “Fresenius Medical Care”, “Karl - Storz”, “Servier” kimi nüfuzlu şirkətlər tərəfindən Fonda bağışlanmış hemodializ və endoskopik aparatlar və dərman preparatları ölkənin müvafiq tibb müəssisələrində istifadə olunur. [[Heydər Əliyev Fondu|Fond]] hər il [[Yeni il]] və [[Novruz bayramı|Novruz]] bayramlarında uşaq evləri və internat məktəbləri, şəhid, məcburi köçkün ailələrindən olan uşaqlar üçün möhtəşəm bayram şənlikləri, xüsusi tədbirlər təşkil edir. Bütün işlər birbaşa Fondun prezidenti Mehriban xanım Əliyevanın nəzarəti ilə həyata keçirilir.
[[Heydər Əliyev Fondu|Heydər Əliyev Fondunun]] prezidenti Mehriban xanım Əliyeva üzərinə götürdüyü şərəfli missiyanı belə dəyərləndirir: “İstər [[YUNESKO]]-nun xoşməramlı səfiri, istərsə də Heydər Əliyev Fondunun prezidenti kimi mənə ehtiyac olduğunu hiss edirəm. Mənim adıma hər gün 200-dən çox məktub gəlir. Onların heç biri diqqətsiz qalmır. Mən konkret iş görmək, konkret insanlara kömək etmək istəyirəm. Konkret problemləri həll etmək, yardım edə bildikdə sevinc hissi keçirmək və səndən asılı olmayan səbəblər üzündən nəsə edə bilmədikdə təəssüflənmək, qəzavü-qədər, sağalmaz xəstəlik qarşısında bütün gücsüzlüyünü dərk edərkən əziyyət çəkmək, xilas edilmiş bir uşağın təbəssümünü gördükdə isə bir daha sevinmək istəyirəm. Bu, mənim seçimimdir”.
Xeyriyyəçilikdən danışarkən, humanizm prinsiplərindən kənar keçmək qeyri-mümkündür... Mehriban xanım Əliyevanın təşəbbüsü ilə 2007-ci ilin may ayında və [[2009]]-cu ilin mart ayında Milli Məclisdə qəbul olunaraq dövlət başçısı tərəfindən imzalanan və icrası başa çatan Amnistiya Aktının cəmiyyətdə böyük diqqət və hörmətlə qarşılanması da təsadüfi deyildir. [[Heydər Əliyev|Ulu öndərin]] humanist siyasətinə sədaqətin əyani nümayişi olan bu Amnistiya Aktı ilk gündən Onun xatirəsinə ehtiramın ifadəsi kimi diqqəti çəkib.
Azərbaycan parlament tarixində ilk dəfə olaraq millət vəkili tərəfindən irəli sürülmüş və qəbul edilərək geniş ictimai dəstək almış bu Amnistiya Aktı böyük mənəvi-əxlaqi və siyasi məzmun kəsb edib. Amnistiya Aktı həyata keçirilərək minlərlə insanı azadlığa qovuşdurub, onların qayıtmasını həsrət və intizarla gözləyən yaxınlarının, ailə üzvlərinin hədsiz sevincinə səbəb olub.
Mehriban xanım genişmiqyaslı xeyriyyəçilik fəaliyyətinə, nəcib və tərəqqipərvər təşəbbüslərinə görə [[2004]]-cü ildə [[YUNESKO]]-nun, [[2006]]-cı ildə [[İSESKO]]-nun xoşməramlı səfiri adına layiq görülüb.
== Mükafatları və təltifləri ==
| 