Nizami Gəncəvi: Redaktələr arasındakı fərq
Silinən məzmun Əlavə edilmiş məzmun
Sətir 404:
==== Farsca divanı ====
{{Əsas|Nizami Gəncəvinin divanı}}
'''Nizami Gəncəvinin divanı''' ({{dil-fa|دیوان از نظام گنجوی}}) — Nizami Gəncəvinin [[lirik]] əsərlərinin toplandığı [[Divan (ədəbiyyat)|divan]]. Mənbələrdə Nizami divanının 20.000 [[beyt]]ə yaxın olduğu göstərilsə də, onun çox kiçik bir hissəsi dövrümüzə çatmışdır. Bütün yaradıcılığı boyunca Nizami [[Xəmsə|epik əsərlərində]] Divanını xatırlatmış, lirik şeirləri və qəzəlləri ilə fəxr etmişdir. Şair qəzəllərindən birinin sonunda, [[Şirvanşah]] [[I Axsitan]]ı öz divanının sahibi adlandırır.
Nizaminin lirik irsindən əldə olan nümunələr klassik şərq şeirinin ancaq üç şəklini – [[qəsidə]], [[qəzəl]] və [[rübai]] şəkillərini əhatə edir. Bu nümunələr şairin zəngin lirik irsinin çox az bir hissəsini təşkil etsə də, onlar sənətkarın lirik yaradıcılığının ümumi ideya istiqaməti, bədii xüsusiyyətləri haqqında danışmağa, müəyyən elmi nəticələrə gəlməyə imkan vermişdir. Bu əsərlər göstərir ki, insan, onun həyatı, taleyi, arzu və istəkləri Nizami lirikasının əsas mövzusu olmuşdur.
Nizami divanının öyrənilməsi daha gec başlanılsa da, şairin divanı haqqında hələ təzkirə müəllifləri müəyyən fikirlər söyləmişlər. Divanın bəzi hissələri müxtəlif orta əsr cüng və təzkirələrində yaşamışdır. Nizami divanının əldə edilmiş hissələri göstərir ki, o, özündən əvvəl yazıb-yaratmış [[Rudəki|Rudəki]], [[Nasir Xosrov|Nasir Xosrov Qubadyani]], [[Sənai]], [[Ənvəri]], [[Qətran Təbrizi]] və [[Xaqani Şirvani|Xaqani]] kimi şairlərin mütərəqqi ənənələrini davam və inkişaf etdirmiş, poeziyanı həyata, insanın arzu və əməllərinə yaxınlaşdırmışdır.
==== Türkcə divanı ====
| |||