24 may 2011-ci ildə [[BP]] şirkəti Qafqaz Universitetində beş laboratoriya açdı. Bu laboratoriyalar BP-nin 2009-cu ildə Qafqaz Universiteti ilə əməkdaşlıqda həyata keçirməyə başladığı irimiqyaslı təhsil təşəbbüsünün bir hissəsi olaraq açılır. Layihənin ümumi məqsədi [[kimya]], [[neft]] və qaz, həmçinin [[mexanika mühəndisliyi]] sahələrində ixtisaslı mütəxəssislər hazırlamaqdır. Yeni açılan bu müəssisələr ümumi kimya, analitik kimya, [[üzvi kimya]], [[kimya mühəndisliyi]] və fiziki kimya sahələrində ixtisaslaşmış və tam təchiz edilmiş müasir laboratoriyalardır. Bütövlükdə layihə BP şirkətinin və Qafqaz Universitetinin birgə təşəbbüsüdür və onun ümumi dəyəri 2.240.000 dollardır. Bu vəsaitin 1.150.000 dollarını BP, qalan hissəsini isə universitet özü təmin edir. Bu layihəni maliyyələşdirməklə yanaşı, BP həm də yeni yaradılmış fakültələrin tələbələrini BP-nin mövcud təqaüd proqramlarına müraciət etməyə və işəgötürmə proseslərində başqaları ilə eyni əsasda iştirak etməyə dəvət edir, BP mütəxəssislərinin müntəzəm olaraq keçirilən seminar və konfranslarda öz bilik və təcrübələrini bölüşdürməklə universitetin mühəndis proqramlarına töhfələr verməsini təmin edir və tələbələrin sənaye ilə təmasını artırmaq üçün onların müvafiq BP laboratoriyalarından istifadəsinə şərait yaradır. Layihə 3 mərhələdə həyata keçirilir. Birinci mərhələdə kimya mühəndisliyi fakültəsinin yaradılması planlaşdırılırdı ki, bu mərhələnin uğurlu nəticəsindən asılı olaraq layihənin sonrakı mərhələləri həyata keçirilsin. Sonrakı mərhələlərdə müvafiq olaraq neft və qaz mühəndisliyi və mexanika mühəndisliyi fakültələrinin yaradılması planlaşdırılır.<ref>[http://www.bp.com/genericarticle.do?categoryId=9006935&contentId=7069232 BP Qafqaz Universitetində beş laboratoriya açır]</ref> Bundan başqa Qafqaz Universiteti bir çox şirkət və ali təhsil müəssisələri ilə müxtəlif layihələr çərçivəsində əməkdaşlıq edir. Qafqaz Universitetinin əməkdaşlıq haqqında müqavilə imzaladığı şirkətlərdən bir neçəsi, [[SİNAM]] <ref>[http://www.azertag.gov.az/index_az.jsp?id=712&date=2010-10-06 QAFQAZ UNİVERSİTETİ İLƏ "SİNAM" ŞİRKƏTİ ARASINDA ƏMƏKDAŞLIQ HAQQINDA SAZİŞ İMZALANMIŞDIR]</ref>, [[Texnikabank]] <ref>[http://cult.qu.edu.az/view_news.php?news=635&link=224&lang=az Qafqaz Universiteti ilə Texnikabank arasında əməkdaşlıq müqaviləsi imzalandı]</ref>, [[Azercell]] <ref>[http://cult.qu.edu.az/view_news.php?news=562&link=224&lang=az "Azercell" və Qafqaz Universitetinin birgə əməkdaşlığı nəticələri]</ref>, [[Azərkimya]] İstehsalat Birliyi <ref>[http://qafqazlife.blogspot.com/2011/04/azrikimya-istehsalat-birliyi-il-qafqaz.html "Azərikimya" İstehsalat Birliyi ilə Qafqaz Universiteti arasında əməkdaşlıq protokolu imzalandı]</ref> və digər şirkətlər və dövlət qurumlarıdır.
24 may 2011-ci ildə [[BP]] şirkəti Qafqaz Universitetində beş laboratoriya açdı.
Onu da qeyd edək ki, Azercell şirkəti Azərbaycanda 4G texnologiyaları sınaqlarının həyata keçirildiyi ilk və yeganə laboratoriyanı Qafqaz Universitetində 2011-ci ilin iyun ayında açıb. Burada mobil rabitədə son üç nəsil texnologiya - 2G (GSM), 3G ( WCDMA/UMTS) və 4G (LTE) radio-baza stansiyaları qurulub. Bu, nəinki Azərbaycanda, ümumiyyətlə regionda bu səviyyədə və bu tipdə texnologiya ilə təchiz olunan ilk laboratoriyadır.<ref>[http://cult.qu.edu.az/view_news.php?news=812&link=224&lang=az Qafqaz Universitetində LTE avadanlığı olan laboratoriya açıldı]</ref>
