== Fizika İnstitutunun daxili və xariciBeynəlxalq əlaqələri ==
Fizika İnstitutu ilə Pakistanın COMSATS İnformasiya və Texnologiyalar İnstitutu (CİİT) arasında elm və təhsil sahəsində əməkdaşlığa dair memorandum imzalanıb.
2016-cı ildə İnstitutun əməkdaşları tərəfindən 351 məqalə çap edilib. Xarici ölkələrin nüfuzlu jurnallarında 249, Respublikada 102 məqalə nəşr olunub. Yüksək impakt faktorlu xarici jurnallarda 232 məqalə çap olunub. 2016-cı ildə İnstitutun əməkdaşlarının məqalələrinə 4328 istinad olub. Fizika İnstitutunun əməkdaşları bir sıra beynəlxalq konfranslara 249 məruzə və tezislərini təqdim edib və çap olunmuşdur. Həmin konfranslarda 50-yə qədər əməkdaş məruzə ilə çıxış etmişdir. 2016-cı ilin tətbiq planına Fizika İnstitutunun 9 işi daxil edilib. Fizika İnstitutu ilə Pakistanın COMSATS İnformasiya və Texnologiyalar İnstitutu (CİİT) arasında elm və təhsil sahəsində əməkdaşlığa dair memorandum imzalanıb. 2016-cı ildə 50-dən artıq alim və gənc mütəxəssislər müxtəlif xarici ölkələrdə qısa və uzun müddətli elmi ezamiyyətdə olublar.Hazırda İnstitutun magistraturasında 12 nəfər təhsil alır, onlardan 8 nəfəri 2016-cı ildə qəbul olub. İnstitutun təcrübəli alimləri magistraturada 5 ixtisas üzrə təhsil alan magistrlərə mühazirə və məşğələ dərsləri aparırlar. Fəlsəfə doktoru hazırlığl üzrə doktoranturada 18 nəfər (11 əyani, 7 qiyabi) təhsil alır. İnstitutun əməkdaşları ölkənin qabaqcıl universitetlərində ixtisas fənnlərindən mühazirələr aparır, buraxılış işlərinə və magistr dissertasiyalarına rəhbərlik edirlər. Müxtəlif universitetlərin professor və müəllimləri Fizika İnstitutunun laboratoriyalarında ixtisasartırma keçiblər.
