'''TanqTan ordusunda türklər''' — [[Tan sülaləsi]] ordusunun önəmli hissəsi [[Çin]] qaynaqlarında "Tujue" olaraq adlandırılan türk döyüşçülərdən ibarət idi. Şimali Çindəki Tanq elitləri türk mədəniyyətinə aşina idi. Bu vəziyyət türk döyüşçülərinin Tanq ordusuna qatılmasına mühü m təsir göstərmişdir. Tanq imperatoru Li Shimin "Müqəddəs Xaqan" titulunu qəbul etmiş və dövlətini kosmopolit mədəniyyətin üzərində inşa etmişdi. Li, nizami hərbi kadrlar yaratmış və türk kökənlilərin ordu içərisində yüksəldilməsini dəstəkləmişdir. Türklərin bozqırlardakı təcrübəsi Tan imperiyasının qərb və şimal yönündə irəliləməsinə yardım etmişdir. Türk Aşina ailəsindən olan general Aşina Esen Tanq ordusunun təşkil etdiyi Qaraxoca, Qaraşəhər və Kuça səfərinə qatılmışdır. Mələz türk general An Luşan Tanq sülaləsinin zəifləməsinə səbəb olan An Şi üsyanını başlatmışdır.
Göytürklər tərəfindən yazılan Orxon abidələrində Tan sülaləsində xidmət edən türklər tənqid edilmişdir və onlar Çin imperatorunun öz imperiyasını genişlətməsinə yardım etməkdə ittiham edilmişdirlər. [[Çin]]ə tabe türk hərbçiləri [[Orta Asiya]]dakı [[Çin]] qarnizonlarına yerləşdirilmişdir. Bu vəziyyət əsasən Hind-Avropa dillərinin danışıldığı bu coğrafiyada türkcənin yayılmasını təmin etmişdir.
