Əbrəqunus: Redaktələr arasındakı fərq

'''Əbrəqunus''' (əvvəlki adı: '''Əbrəqunis''', digər qədim adı: '''Qarakilsə''') — [[Azərbaycan|Azərbaycan Respublikası]], [[Naxçıvan Muxtar Respublikası]]nın [[Culfa rayonu]]nda kənddir.

Kənd [[Culfa (Azərbaycan)|rayon mərkəzi]]ndən 25&nbsp;km şimalda, [[İlandağ]]ın ətəyində, [[Əlincəçay|Əlincə çayı]]<nowiki/>nın sağ sahilində yerləşir.

Əbrəqunus [[Azərbaycan]]ın ən qədim yaşayış məntəqələrindən biridir. Arxeoloqların Əbrəqunusda aşkar etdiyi, [[Naxçıvan mədəniyyəti]] üçün xarakterik olan maddi-mədəniyyət nümunələri kəndin tarixinin qədim dövrlərə aid olduğunu sübut edir. [[İran dillərindədilləri]]ndə ( hind-avropa dillərində) əbrə, əbru " qaş " deməkdir, əbrəqunis isə torpağın qaşı mənasını verir.

Qədim və orta əsrlərdə [[Əlincə qalası]] və ətraf ərazilərə gedən yol Əbrəqunusdan keçirdi. Əbrəqunus XIV əsrin 80-90-cı illərində Azərbaycan xalqının [[Əmir Teymur]]<nowiki/>a qarşı apardığı mübarizənin və digər tarixi hadisələrin şahidi olmuşdur. Kənd 1590-cı ildə elə həmin il yaradılan [[Naxçıvan sancağı]]nın [[Əlincə nahiyəsi]]nin tərkibinə daxil edilmişdir.

1905 və 1918-ci illərdə Cənubi Qafqazda azərbaycanlı qırğınları dövründə bölgənin digər kəndləri də daxil olmaqla Əbrəqunusda da [[Andranik Ozanyan|Andranik]]in rəhbərliyi ilə erməni quldur dəstələri azərbaycanlı əhaliyə qarşı qırğınlar həyata keçirmişlər.<ref>http://1905.az/erm%C9%99nil%C9%99rin-naxcivanda-tor%C9%99tdikl%C9%99ri-soyqirimlarinin-p%C9%99rd%C9%99-arxasi/</ref><ref>http://www.serqqapisi.az/index.php/ictimai-siaysi/9467-mart-soyg-r-m-azaerbaydzanl-lara-garsh-toeraedilaen-baeshaeri-dzinayaetdir</ref><ref>http://www.akademikbakis.org/eskisite/38/25.pdf</ref> 1918-ci il may ayının 29-dan iyun ayının 20-dək Əbrəqunusda Andranikin dəstəsi ilə yerli əhali arasında şiddətli döyüşlər gedir. Andranik xeyli itki versə də, əhalini soyqırıma məruz qoya bilir. Lakin həmin ilin yayında Naxçıvanda azərbaycanlı əhalini erməni quldurlarından qorumaq və Naxçıvanın ermənilər tərəfindən tutulmasına yol verməmək məqsədilə Kazım Qarabəkir paşanın rəhbərliyi altında Naxçıvana türk qoşunları gəlir. 1918-ci il iyulun sonu, avqustun əvvəllərində Andranikin quldur dəstələri Əbrəqunusda türk qoşunları və yerli əhalinin müdafiə dəstələri ilə döyüşə girərək məğlub olurlar. Bu ağır məğlubiyyətdən sonra Andranik [[Ordubad rayonu|Ordubadın]] [[Bist]] və [[Nəsirvaz]] kəndlərindən keçərək [[Zəngəzur]]<nowiki/>a gedir.<ref>http://www.anl.az/down/meqale/respublika/2013/fevral/295441.htm</ref><ref>http://www.serqqapisi.az/index.php/ictimai-siaysi/6816-soyzh-r-m-baraedae-haezhizhaetlaer</ref>

Hal-hazırda kənddə, əsasən, [[üzümçülük]], [[əkinçilik]] və [[heyvandarlıq]]<nowiki/>la məşğul olurlar.

Sovet dövründə Əbrəqunusda şərab zavodu fəaliyyət göstərirdi. Zavodda hazırlanan şərab bir çox [[Sovet Sosialist Respublikaları İttifaqı|İttifaq respublikaları]]<nowiki/>na ixrac olunurdu.