Əvəz Zeynallı: Redaktələr arasındakı fərq

Əvəz Zeynallı 1 yanvar 1970-ci ildə [[Göyçə mahalı]]nın [[Ağbulaq (Göyçə)|Ağbulaq]] kəndində (Ermənistan SSR-nin Krasnoselskiy rayonu) anadan olub. 1988-ci ildə Ermənistan SSR-dən digər azərbaycanlılarla birlikdə deportasiyaya məruz qalıb. 1988-1990-ci illər ərzində Sovet ordusu sıralarında xidmət edib.

1991-ci ildə Türkiyənin Ankara Universiteti hüquq fakültəsinə daxil olub. Türkiyədə olarkən "Böyük Gələcək" dərgisini nəşr etdirib. 1999-cu ildə Azərbaycana qayıdıb, müxtəlif qəzetlərdə çalışıb. "Günaydın", "P.S.", "Millətin səsi" qəzetlərinin yazarı, [[Vətəndaş Həmrəyliyi (qəzet)|Vətəndaş Həmrəyliyi qəzeti]]nin baş redaktoru olub. 2002-ci ildə [[Xural (qəzet)|“Xural” qəzeti]]ni yaradıb və bu qəzetin baş redaktoru kimi fəaliyyət göstərib.

Hazırda jurnalistlik fəaliyyətini Xural TV youtube kanalında canlı yayınlanan "Siyasət Meydanı"verilişinin müəllifi və aparıcısı, eləcə də xural.com saytının baş redaktoru olaraq davam etdirir.

2011-ci il oktyabrın 28-də sabiq deputat, sonradan rüşvətalma faktı ilə dələduzluqda ittiham edilərək həbs olunan Gülər Əhmədovanın "üzədurması" ilə həbs edilib. 7 ay sürən istintaq araşdırması, 1 il aparılan məhkəmə prosesi zamanı haqqında qaldırılan heç bir cinayət işi sübutunu tapmayıb. Buna baxmayaraq, uzun illər baş redaktoru olduğu Xural qəzetində hakimiyyətin korrupsiyasına qarşı mübarizə apardığı üçün Korrupsiyaya qarşı mübarizə İdarəsinin və PA-nın sabiq rəhbəri Ramiz Mehdiyevin göstərişi ilə AR CM-nin ən ağır korrupsiya maddələrilə Ağır Cinayətlərə dair işlər üzrə Azərbaycan Respublikasının məhkəməsinin hökmü ilə 9 il azadlıqdan məhrum edilib. Həbsindən dərhal sonra Amnesty İnternational beynəlxalq təşkilatı tərəfindən siyasi və vicdan məhbusu elan edilib. ABŞ Dövlət Departamenti iki dəfə Azərbaycan hakimiyyətindən Əvəz Zeynallının azadlığa buraxılması tələbilə çıxış edib. 2014-cü ildə, 3 il, 1 ay həbsdə qalandan sonra prezident İlham Əliyevin verdiyi əfv sərəncamı ilə azadlığa buraxılıb.