Mayıl Əsgərov: Redaktələr arasındakı fərq
Səhifə "{{iş gedir}} {{Şəxs |adı = Mayıl Əsgərov |orijinal adı = |şəkil = Mayıl Əsgərov.jpg |şəklin ölçüsü =..." məzmunu ilə yaradıldı |
(Fərq yoxdur)
|
12:15, 24 sentyabr 2020 tarixindəki versiya
Bu səhifədə iş davam etməkdədir. |
Mayıl Əsgərov — filologiya elmləri doktoru, AMEA Dilçilik İnstitutunun Sosiolinqvistika və psixolinqvistika şöbəsinin müdiri[1], Linqvo-psixoloji vəhdət nəzəriyyəsinin banisi.
| Mayıl Əsgərov | |
|---|---|
| Fayl:Mayıl Əsgərov.jpg | |
| Doğum tarixi | |
| Doğum yeri | Tovuz rayonu, Bozalqanlı kəndi |
| Vətəndaşlığı |
 Azərbaycan |
| Təhsili |
Bakı Dövlət Universiteti Sankt-Peterburq Dövlət Universiteti |
Həyatı
Mayıl Binnət oğlu Əsgərov 17 yanvar 1962-ci ildə Azərbaycan Respublikasının Tovuz rayonunun Bozalqanlı kəndində anadan olub. 1979-cu ildə Y.Sadıqov adına Bozalqanlı kənd orta məktəbini bitirib, 1981-1983-ci illərdə hərbi xidmətdə olub. 1983-ci ildə Azərbaycan Dövlət Universitetinin (indiki Bakı Dövlət Universitetinin) filologiya fakültəsinə daxil olub, 1986-cı ildə təhsilini davam etdirmək üçün məqsədli göndərişlə Leninqrad Dövlət Universitetinə (indiki Sankt-Peterburq Dövlət Universitetinə) göndərilmiş, 1990-cı ildə həmin universitetin şərqşünaslıq fakültəsini Şərqşünas-türkoloq ixtisası ilə bitirərək geri Azərbaycana qayıdıb.
1990-1994-cü illərdə Azərbaycan Milli Elmlər Akademiyasının Nəsimi adına Dilçilik İnstitutunda fəaliyyət göstərib. 1994-2000-ci illərdə Azərbaycan Milli ordusunda xidmət edib. Xidmət etdiyi müddət ərzində Azərbaycan Respublikası Silahlı qüvvələrinin (1997-ci ildə), Türkiyə Respublikası Silahlı Qüvvələrinin Sülh Naminə Əməkdaşlıq Şurasının (1999-cu ildə), NATO Birləşmiş Komandanlığının (2000-ci ildə) fəxri fərmanları və qiymətli hədiyyələri ilə təltif olunub.
2000-ci ildən 2013-cü ilə qədər Dilçilik İnstitutunun Türk dilləri şöbəsində kiçik elmi işçi, elmi işçi, böyük elmi işçi, aparıcı elmi işçi vəzifələrində çalışıb. 2013-cü ildən Dilçilik İnstitutunun Sosiolinqvistika və Psixolinqvistika şöbəsinin müdiridir. 2012-ci ildən Türk dilləri ixtisası üzrə dosentdir. 2016-cı ildə “Dillərin leksik- qrammatik səviyyədə tədqiqinin linqvo-psixoloji problemləri” dissertasiyasını müdafiə edərək filologiya üzrə elmlər doktoru adı alıb. 30-a yaxın elmi monoqrafiya, dərs vəsaiti və digər kitabların, 70-dən artıq elmi məqalə və konfrans materialının müəllifidir.
İstinadlar
- ↑ "Sosiolinqvistika və psixolinqvistika". science.gov.az. 10 fevral 2020 tarixində arxivləşdirilib. İstifadə tarixi: 24 sentyabr 2020.