Polis Akademiyası (Azərbaycan)

Polis Akademiyası sıravi milis nəfərləri və komandir kadrları hazırlayan bir məktəb kimi 1921-ci ildə Azərbaycan Respublikasının Xalq Daxili İşlər Komissarlığının qərarı ilə təsis olunmuş, 1936-cı ilədək Bakı şəhərində fəaliyyət göstərmiş, 1936-cı ildən isə Mərdəkan qəsəbəsinə köçürülmüşdür.

1957-ci ildə Bakı Milis Məktəbi SSRİ DİN-in Bakı Xüsusi Orta Milis Məktəbinə çevrildi. Təhsil müddəti iki il müəyyən edilmişdi və məktəbi qurtaranlara orta təhsilli hüquqşünas diplomu verilirdi. 1957-1961-ci illərdə məktəb əyani, qiyabi şöbələr və təkmilləşdirmə kursları vasitəsilə Gürcüstan, Dağıstan, Kabarda-Balkariya, Altay, İrkutsk, Krasnodar, Kuybışev, Novosibirsk, Kemerovo, Saratov və onlarca başqa şəhərlər və respublikalar üçün peşəkar kadrlar hazırlayırdı.

Ümummilli lider Heydər Əliyevin Respublikaya rəhbərlik etdiyi dövrdə milis orqanlarına göstərdiyi qayğı və tələbkarlıq sayəsində Bakı Xüsusi Orta Milis Məktəbi və onun maddi-texniki bazası inkişaf etdi, kadr cəhətdən möhkəmləndi və Akademiya səviyyəsinə qədər yüksəldi. Azərbaycan Respublikası Prezidentinin 23 may 1992-ci il tarixli 782 saylı Fərmanı və Nazirlər Kabinetinin 9 iyun 1992-ci il tarixli 321 saylı qərarına əsasən Bakı Xüsusi Orta Milis Məktəbi zəminində Polis Akademiyası yaradıldı. Az bir müddət ərzində Akademiyaya I dərəcəli status verildi.Polis Akademiyası sıravi milis nəfərləri və komandir kadrları hazırlayan bir məktəb kimi 1921-ci ildə Azərbaycan Respublikasının Xalq Daxili İşlər Komissarlığının qərarı ilə təsis olunmuş, 1936-cı ilədək Bakı şəhərində fəaliyyət göstərmiş, 1936-cı ildən isə Mərdəkan qəsəbəsinə köçürülmüşdür.

1957-ci ildə Bakı Milis Məktəbi SSRİ DİN-in Bakı Xüsusi Orta Milis Məktəbinə çevrildi. Təhsil müddəti iki il müəyyən edilmişdi və məktəbi qurtaranlara orta təhsilli hüquqşünas diplomu verilirdi. 1957-1961-ci illərdə məktəb əyani, qiyabi şöbələr və təkmilləşdirmə kursları vasitəsilə Gürcüstan, Dağıstan, Kabarda-Balkariya, Altay, İrkutsk, Krasnodar, Kuybışev, Novosibirsk, Kemerovo, Saratov və onlarca başqa şəhərlər və respublikalar üçün peşəkar kadrlar hazırlayırdı.

Ümummilli lider Heydər Əliyevin Respublikaya rəhbərlik etdiyi dövrdə milis orqanlarına göstərdiyi qayğı və tələbkarlıq sayəsində Bakı Xüsusi Orta Milis Məktəbi və onun maddi-texniki bazası inkişaf etdi, kadr cəhətdən möhkəmləndi və Akademiya səviyyəsinə qədər yüksəldi. Azərbaycan Respublikası Prezidentinin 23 may 1992-ci il tarixli 782 saylı Fərmanı və Nazirlər Kabinetinin 9 iyun 1992-ci il tarixli 321 saylı qərarına əsasən Bakı Xüsusi Orta Milis Məktəbi zəminində Polis Akademiyası yaradıldı. Az bir müddət ərzində Akademiyaya I dərəcəli status verildi.

Kafedralar

1. "İctimai elmlər" kafedrası.

Kafedrada 7 fənn tədris olunur:

Azərbaycan tarixi; İqtisadiyyat; Politologiya; Məntiq; Sosiologiya; Mədəniyyətşnaslıq

2. "Dövlət və hüquq nəzəriyyəsi" kafedrası.

Kafedrada 11 fənn tədris olunur:

Siyasi və hüquqi təlimlər tarixi; Azərbaycanın siyasi və hüquqi təlimlər tarixi; Ümumi dövlət və hüquq nəzəriyyəsi; Ümumi dövlət və hüquq tarixi; Azərbaycanın dövlət və hüquq tarixi; Konstitusiya hüququ; Beynəlxalq hüquq; Beynəlxalq xüsusi hüquq; İnsan hüquqları; Xarici ölkələrin konstitusiya hüququ; Roma hüququ.

3. "Cinayət hüququ" kafedrası.

Kafedrada 5 fənn tədris olunur:

Cinayət hüququ; Cəza-icra hüququ; Ekologiya hüququ; Maliyyə hüququ; Müsəlman hüququnun əsasları.

4. "Mülki hüquq" kafedrası.

Kafedrada 6 fənn tədris olunur:

Mülki və ailə hüququ; Sahibkarlıq hüququ; Aqrar hüququ; Əmək hüququ; Mülki və prosessual hüquq; Mənzil hüququ.

5. "Cinayət prosesi" kafedrası.

Kafedrada 3 fənn tədris olunur:

Cinayət prosesi; Məhkəmə hakimiyyəti; DİO-da təhqiqat.

6. "Kriminalistika" kafedrası.

Kafedrada 4 fənn tədris olunur:

Kriminalistika; Məhkəmə təbabəti; Məhkəmə ekspertizası; Məhkəmə mühasibatı.

7. "Daxili işlər orqanlarında idarəetmənin təşkili" kafedrası.

Kafedrada 10 fənn tədris olunur:

Riyaziyyat və informatika; DİO-nun texniki məlumatla təmini və idarə olunması; DİO-da idarəetmənin informasiya texnologiyaları; DİO-da idarəetmənin təşkili; DİO-nun fəaliyyətinin inzibati-hüquqi tənzimlənməsi; Dövlət idarəetmə sistemi; Xüsusi şəraitdə DİO-nun idarə edilməsi; DİO-nun idarəedilməsinin strategiyası; İctimai təhlükəsizlik xidmətləri fəaliyyətlərinin idarəedilməsi; Cinayətin qarşısının alınmasında DİO-nun fəaliyyətinin təşkili.

8. "Daxili işlər orqanlarında xüsusi texnika" kafedrası.

Kafedrada 1 fənn tədris olunur:

Xüsusi texnika.

9. "Daxili işlər orqanlarında əməliyyat-axtarış fəaliyyəti" kafedrası.

Kafedrada 4 fənn tədris olunur:

Məxfiçilik rejimi; DİO-da əməliyyat-axtarış fəaliyyəti; Xüsusi kurs; DİO əməkdaşlarının fəaliyyətində pedaqogika.

10. "Daxili işlər orqanlarının inzibati fəaliyyəti" kafedrası.

Kafedrada 6 fənn tədris olunur:

Bələdiyyə hüququ; İnzibati hüquq; DİO-nun inzibati fəaliyyəti; Xüsusi kurs; Kriminologiya və cinayətlərin profilaktikası; Hüquq-mühafizə orqanları.

11. "Xüsusi taktiki hazırlıq" kafedrası.

Kafedrada 6 fənn tədris olunur:

Xüsusi taktiki hazırlıq; Taktiki hazırlıq; Atəş hazırlığı; Nizamnamələr; Sıra hazırlığı; Avtomobil hazırlığı.

12. "Dil hazırlığı" kafedrası.

Kafedrada 3 fənn tədris olunur:

Azərbaycan dili; İngilis dili; Rus dili.

13. "Fiziki hazırlıq" kafedrası.

Kafedrada 1 fənn tədris olunur:

Fiziki hazırlıq.