'''Dördşüalı mərcanlar''' (''Tetracoralla'') '''-''' tək və kaloniya halında yaşamış, əsasən karbonat skeleti olan kökü kəsilmiş [[paleozoy]] [[Mərcan polipləri|mərcanları.]]
== Haqqında == Koloniyalar monomorfdur. Massiv tipli koloniyalar prizmatik korallitlərdən, kolşəkilli tip isə slindirik və çox nadir hallarda, üçüzlü piramidal korallitlərdən ibarət olmuşdur. Tək Dördşüalıdördşüalı mərcanlar silindirik, konusvari üç və dördüzlü piramidal formada olub, eni 3-6 ''sm'', hündürlüyü 25 ''sm'' çatırdı. Korallitin daxili boşluğunda müxtəlif skelet elementləri (septalar, dib, qovuqlar - dissepimentlər, stuncuqlar) yerləşir. Tək (bəzən kalonial) tetrakorallarda, xaricindən üst kənarına qədər çatan konsentrik qırışıqlı örtük (epiteka) olur və buna görə Dördşüalıdördşüalı mərcanlar çox vaxt Rugoza''rugoza'' (lat. ''rugoza'' - qırışıqlı) adlandırılır. Dördşüalı mərcanlar başlıca olaraq [[Tropik zona|tropik]] və [[subtropik]] vilayətlərin normal dəniz hövzələrinin üst sublitoral sahələrində yaşamış və mərcan əhəndaşlarının və rifogen qurumların yaranmasında iştirak etmişdir. Tetrokorallar, gec [[Ordovik dövrü|ordovikdən]] başlayaraq, [[Paleozoy|paleozoyun]] [[Biostratiqrafiya|biostratiqrafiyası]] üçün böyük əhəmiyyəti olan [[Fosil|fossillərdir]].