"Akira Kurosava" səhifəsinin versiyaları arasındakı fərqlər

415 bayt əlavə edildi ,  2 ay öncə
=== Müharibədən sonra (1946-65) ===
==== İlk işləri (1946-50) ====
İşğal dövrünün demokratik ideallarından təsirlənən Kurosava filmlərində fərdə və özünə hörmət ideyasını əks etdirməyə başlamışdır. İlk belə filmi olan "[[Gəncliyimiz üçün peşmançılıq yoxdur (film, 1946)|Gəncliyimiz üçün peşmançılıq yoxdur]]" (1946) 1933-cü ildəki [[Takiqava insidentindəninsidenti]]ndən[[Hotsumi Ozaki]] casusluq hadisəsindən təsirlənərək çəkilib. Film Yaponiyanın müharibədən öncəki dövrdə yeritdiyi siyasəti tənqid edirdi. Filmin əsas qəhrəmanı olan Yukie ([[Setsuko Hara]]) orta sinif bir ailədə dünyaya gəlib və dövrün siyasi böhranı içərisində öz dəyərlərini sorğulamağa başlayır. Mübahisəli mövzusu və baş rolunda qadın personajın olması səbəbindən orijinal ssenari bir çox dəfə yenidən yazılmışdır. Film tənqidçilər tərəfindən qarışıq rəylər alsa da, tamaşaçılar üzərində böyük təsir buraxmış və filmin adı məşhur ifadələrdən birinə çevrilmişdir.
 
Növbəti filmi "[[Sabahı yaradanlar (film, 1947)|Sabahı yaradanlar]]" 1947-ci ilin iyulunda buraxılmış və qarışıq rəylər almışdır. Sadə və sentimental romantika janrında olan film müharibədən sonrakı dövrdə yoxsullaşmış bir cütlüyün istirahət günündə Tokio xarabalıqlarında əylənməyə çalışmasından bəhs edir. Kurosavanın sevimli rejissorları olan [[Frank Kapra]], [[D.U.Qriffit]][[F.U.MurnaununMurnau]]nun təsirləri bu filmdə aydın sezilir. 1947-ci ildə Kurosava [[Senkiçi TaniquçininTaniquçi]]nin rejissoru olduğu "[[Qar yolu (film, 1947)|Qar yolu]]" filmi üçün ssenari yazmışdır. Həmin filmdə gənc aktyor Toşiro Mifune debüt etmişdi. Səs sınaqlarında Mifunenin performansı Kurosavanı çox təsirləndirmiş və Toho şirkətindən onla müqavilə imzalamasını istəmişdir.
 
"[[Sərxoş mələk (film, 1948)|Sərxoş mələk]]" rejissorun ilk əsas işi sayılır. Kurosavanın işğal dövründəki digər işləri kimi bu filmin ssenarisi də ABŞ senzurası səbəbindən bir çox dəfə yenidən yazılsa da, Kurosava məhz bu filmdə ilk dəfə özünü sərbəst şəkildə ifadə etdiyini demişdir. Film bir həkimin [[yakuza]] üzvünü vərəmdən[[vərəm]]dən sağaltmağa çalışmasından bəhs edir. Bu, həm də rejissorun Mifune ilə birlikdə ilk filmi idi. Mifune daha sonra rejissorun növbəti 16 filmində də ("[[Yaşamaq (film, 1952)|Yaşamaq]]" filmi istisna olmaqla) baş rolda çıxış edəcəkdi. Mifune "Sərxoş mələk" filmi üçün baş rol kimi seçilməsə də, onun yakuza kimi performansı bütün film boyunca diqtə etmiş və hekayənin fokus nöqtəsi onun personajına yönəlmişdir. Sərxoş həkimi isə artıq Kurosavanın bir neçə filmində oynamış [[Takaşi Şimura]] canlandırmışdır. Buna baxmayaraq, Kurosava gənc aktyorun həvəsini söndürmək istəməmiş və Mifunenin üsyankar personajı izləyicilərdə böyük təsir buraxmışdır. Filmin premyerası 1948-ci ilin aprelində Tokioda baş tutmuş və [[Kinema Junpo]] tənqidçilər sorğusu tərəfindən ilin ən yaxşı filmi seçilmişdir. Daha öncə onun ilk 3 filmi də bu ada layiq görülmüşdü.
 
Kurosava prodüser Sociro Motoki, dostları Kaciro Yamamoto, [[Mikio Naruse]][[Senkiçi Taniquçi]] ilə birlikdə "Film İncəsənət Assosiasiyası" (Eyqa Qeycutsu Kyokay) adlı yeni müstəqil istehsalçı birlik qurmuşdur. Təşkilatın debüt işi və [[Kadokawa Pictures|Daiei studiyalarının]] ilk filmi Kurosava tərəfindən Kazuo Kikutanın müasir pyesinin adaptasiyası olmuşdur. "[[Sakit duel (film, 1949)|Sakit duel]]" adlı bu filmin baş rolunda çıxış edən Toşiro Mifune sifilislə[[sifilis]]lə mübarizə aparan gənc idealistik həkimi canlandırırdı. Kurosava Mifunenin sadəcə yakuza rollarında tanınmasını istəmirdi. 1949-cu ilin martında buraxılan film gəlir baxımından uğur əldə etsə də, rejissorun digər işlərindən geridə qalmışdır.
 
1949-cu ildə çəkdiyi ikinci film olan, Film İncəsənət Assosiasiyası tərəfindən maliyyələşdirilən və [[Shintoho]] tərəfindən buraxılan "[[Küçə iti (film, 1949)|Küçə iti]]" filmi detektiv janrında idi və bu janrda olan ilk əhəmiyyətli Yaponiya filmi hesab olunur. Film Mifune tərəfindən canlandırılan gənc bir detektivin hekayəsini nəql edərək Yaponiyanın müharibəsonrası sancılı keçən özünəgəlmə dövrünü izləyicilərə çatdırır. Mifunenin personajı pulsuz qalmış müharibə veteranı tərəfindən soyğun və qətl məqsədilə oğurlanmış tapancasını tapmağa çalışır. Film Kurosavanın nəşr olunmamış və sevimli yazıçılarından olan [[Jorj SimenonunSimenon]]un stilində yazılmış romanının adaptasiyasıdır. Filmdə ilk dəfə ssenarist Ryuzo Kikuşima ilə birlikdə işləmişdir və onların əməkdaşlığı daha 8 filmdə də davam edəcəkdi. Səkkiz dəqiqə davam edən və demək olar ki, söz olmayan məşhur səhnədə Mifunenin personajı yoxsul veteran kimi maskalanaraq küçədə oğrunu axtarır. Bu səhnə üçün Kurosavanın dostu və "[[Qodzilla (film, 1954)|Qodzilla]]" filminin gələcək rejissoru olacaq [[İşiro HondanınHonda]]nın müharibə dövründə çəkdiyi sənədli filmdən istifadə olunmuşdu. Film müasir polis drama və dost polislər film janrlarının sələfi idi.
 
1950-ci ilin aprelində [[Shochiku]] tərəfindən buraxılan "[[Skandal (film, 1950)|Skandal]]" filmi üçün rejissor şəxsi təcrübələrindən və Yaponiyadakı [[sarı jurnalistikayajurnalistika]]ya qarşı olan qəzəbindən ilhamlanmışdır. İş məhkəmə dramı ilə fikir azadlığı və fərdi məsuliyyət haqqında olan sosial problem filminin qarışığı olsa da, Kurosavanın özü də etiraf etmişdi ki, tamamlanmış iş qeyri-qənaətbəxş idi. Lakin Kurosavanın 1950-ci ildə çəkdiyi ikinci film olan "[[Raşomon (film, 1950)|Raşomon]]" böyük uğur qazanacaq və ona beynəlxalq şöhrət gətirəcəkdi.
 
==== Beynəlxalq şöhrət (1951-58) ====