İstifadəçi:Ayxan İsmayılov/Qaralama: Redaktələr arasındakı fərq
Silinən məzmun Əlavə edilmiş məzmun
Sətir 139:
Tarixinin çox hissəsi boyunca İstanbul dünyanın ən böyük şəhərləri arasında yer almışdır. Eramızın 500-cü ilinə qədər, [[Konstantinopol]], 400.000-500.000 nəfər əhaliyə sahib olmuş və [[Roma]]nı keçərək dünyanın ən böyük şəhəri statusunu almışdır. Konstantinopol, XII əsrə qədər dünyanın ən sıx şəhər olması yolunda [[Bağdad]], [[Çanıan]], [[Kaifenq]] və [[Mərv]] kimi digər böyük tarixi şəhərlərlə qarşılaşmışdır. Uzun müddət dünyanın ən böyük şəhəri olaraq qalan Konstantinopol, 1500-cü ildə [[London]] şəhərinin əhalisinin artması ilə birlikdə öz ünvanını itirmişdir. Bu dövrdən sonra şəhər əhalisi kəskin şəkildə azalmağa başlamış və fəthdən əvvəl 50.000 nəfərə qədər düşmüşdür.
[[Konstantinopolun fəthi|Konstantinopolun Osmanlı tərəfindən fəthi]] ilə birlikdə, şəhər qısa müddətdə bərpa bərpa edilmiş və əhali yüz əlli ildə təxminən on dəfə artmışdır. [[Ömər Lütfi Barkan]]ın 1520-1535-ci illər üçün etdiyi hesablamalara əsasən, XVI əsrdə İstanbul əhalisi 480.000 nəfər, 58% müsəlman və 42% qeyri-müsəlmandan ibarət olmuşdur. XVI əsrdə şəhər əhalisinin, ölkənin ikinci böyük şəhəri [[Bursa]]dan 7-10 dəfə çox olduğu təxmin edilmişdir. [[IV Murad]]ın 1638-ci ildə apardığı siyahıyaalma nəticələrinə əsasən, [[Övliya Çələbi]] İstanbul əhalisinin ətraf məhəllələrlə birlikdə 1.500.000 nəfərə yaxınlaşdığını bildirsə də, bir çox xarici səyyah şəhərin əhalisinin əsrin sonunda 700.000 nəfər olduğunu təsdiqləmişdir. Bu əhali sayı ilə İstanbul "dünyanın ən böyük şəhəri" ünvanını yenidən bərpa etmişdir. Fransanın keçmiş səfiri General Andreossi, 1815-ci ildə istehlak edilmiş su və çörək miqdarına əsasən şəhər əhalisini 630.000 olaraq hesablamışdır. 1885-ci ildə [[Osmanlı]] hökumətinin rəsmi siyahıya alınmasına əsasən şəhərin əhalisi 873.565 nəfər olduğu məlum olmuşdur. Bu dövrdə İstanbul əhalisinin, ölkənin ikinci böyük şəhəri olan [[İzmir]]dən təxminən 5 dəfə çox olduğu təxmin edilmişdir.
{| class="collapsible collapsed infobox" style="float:right; font-size:85%; width:33.45em;"
|colspan="2"|'''<center>Xarici sakinlərin sayı (2018)'''<ref name="ImmigrantsIstanbul">{{cite web |title=İstanbul’da Hangi Millet, Nerede Yaşıyor? |url=https://www.jeosam.org/istanbulda-hangi-millet-nerede-yasiyor/ |website=Jeopolitik Stratejik Araştırmalar Merkezi JEOSAM |accessdate=6 noyabr 2020 |archiveurl=https://web.archive.org/web/20201106070134/https://www.jeosam.org/istanbulda-hangi-millet-nerede-yasiyor/ |archivedate=6 noyabr 2020 |language=tr |date=9 may 2018}}</ref><ref name="ImmigrantsIstanbul2">{{cite web |title=TÜİK’in il bazlı yabancı nüfus verilerine göre İstanbul’da ikamet ve çalışma izni alan 200 bine yakın yabancı vatandaş var. 17 binlik nüfusuyla İstanbul’u tercih edenler arasında Almanlar ilk sırada |url=https://www.haberturk.com/gundem/haber/1330434-istanbulun-yabanci-haritasi |website=[[Habertürk TV]] |accessdate=6 noyabr 2020 |archiveurl=https://web.archive.org/web/20201106072736/https://www.haberturk.com/gundem/haber/1330434-istanbulun-yabanci-haritasi |archivedate=6 noyabr 2020 |language=tr |date=30 noyabr 2016}}</ref></center>
Sətir 169 ⟶ 167:
Respublika dövrünün ilk siyahıyaalınması 1927-ci ildə baş tutmuşdur. Bu siyahıyaalmaya əsasən, İstanbul sərhədləri daxilində yaşayan əhali sayı 680.857 nəfər olmuşdur. Şəhər əhalisi 1935-ci ildə 741.148, 1940-cı ildə 793.949, 1945-ci ildə 860.558, 1950-ci ildə 983.041 nəfərə qədər yüksəlmişdir. İstanbul əhalisinin ölkə əhalisinə nisbəti 1927-ci ildə 5%, 1935-ci ildə 4.6%, 1940-cı ildə 4.5%, 1945-ci ildə 4.6% və 1950-ci ildə isə 4.7% olmuşdur. Sözügedən dövrdə İstanbul əhalisinin artımı ortalama illik 1.75% səviyyəsində olarkən, [[Türkiyə]]nin orta illik əhali artım nisbəti 1.95% səviyyəsində olmuşdur. Bu səbəbdən İstanbulun periyodik əhali artımının ölkə ortalamasından təxminən 10% aşağı olduğu məlum olmuşdur. Əhali dinamikasının digər diqqətçəkən xüsusiyyəti, İstanbul əhalisinin bu dövrdə tədricən kosmopolit xüsusiyyətini itirməsi və homogenləşməsi olmuşdur. 1927-ci ildə şəhər əhalisindəki müsəlmanların nisbəti 65% olarkən, 1935-ci ildə 70%-ə, 1950-ci ildə isə 84%-ə qədər yüksəlmişdir.
İstanbulun bələdiyyə sərhədləri daxilində yerləşən əhali sayı 1955-ci ildə 1.268.771, 1960-cı ildə 1.466.535, 1965-ci ildə 1.742.978, 1970-ci ildə 2.132.407, 1975-ci ildə 2.547.364 və 1980-ci ildə 2.772.708 olaraq təyin edilmişdir. 1955-ci ildə İstanbul əhalisinin [[Türkiyə]] əhalisinə olan nisbəti 5.3%, 1965-ci ildə 5.6%, 1970-ci ildə 6.0%, 1975-ci ildə isə 6.3% olmuşdur. İstanbul Bələdiyyəsinin sərhədlərinə bitişik 32 bələdiyyənin əhalisi də daxil edildikdə, şəhər bölgəsinin əhalisi 1960-cı ildə 1.736.000, 1970-ci ildə 2.849.000, 1980-ci ildə 4.643.000 nəfər olmuşdur. 1970-ci ildə İstanbulda qeydiyyatda olan 17.855 nəfər xarici vətəndaş olduğu təqdirdə, 1980-ci ildə bu rəqəm 10.303 nəfərə qədər düşmüşdür. 2018-ci ildə isə bu rəqəm nisbətən artaraq 56.550 nəfərə çatmışdır. Şəhərdə qeydiyyatda olan əcnəbilər arasında ən çox [[Suriya]], [[Almaniya]] və [[Azərbaycan]] vətəndaşları yer almışdır. Bununla birlikdə, [[Özbəkistan]], [[İraq]], [[Gürcüstan]], [[Ukrayna]], [[Rusiya]], [[Qazaxıstan]] və [[Qırğızıstan]] vətəndaşları da çoxluq təşkil etmişdir.<ref name="ImmigrantsIstanbul" /><ref name="ImmigrantsIstanbul2" /> 3030 saylı qanunun qəbul edilməsindən sonra, İstanbul Bələdiyyəsinin böyük bir bələdiyyəyə çevrilməsi və sərhədlərinin genişləndirilməsi ilə birlikdə şəhər hüdudlarında yaşayan əhalinin əhəmiyyətli dərəcədə artmışdır. 1985-ci il siyahıyaalma nəticələrinə görə, şəhər əhalisi 5.475.982, 1990-cı ildə 6.629.431, 2000-ci ildə 8.803.468 nəfər olmuşdur. Bu dövrdə İstanbul əhalisinin illik ortalama artımı 9% nisbətinə çatmışdır. 1985-2009-cu illər arasında 24 illik dövrdə şəhər əhalisi 248% artaraq 5.475.982 nəfərdən 13.624.240 nəfərə qədər yüksəlmişdir. İstanbul əhalisi tarix boyunca müxtəlif rəqəmləri müşahidə etmişdir. Şəhərin əhalisi barədə təsdiqlənmiş məlumatlar yalnız XX əsrdə mövcud olsa da, müəyyən faktorlara əsasən tarix boyu bir çox təxminlər irəli sürülmüşdür. Nüfusundan asılı olmayaraq, İstanbul orta əsrlərdən bəri dünyanın ən böyük şəhərləri arasında yer almışdır. Coğrafi mövqeyi, tarixi və mədəni sərvəti bu müddətdə mühüm rol oynamışdır.
[[Türkiyə Statistika Qurumu]] tərəfindən [[2013]]-cü il aparılan siyahıyaalmaya əsasən İstanbulun ümumi əhalisi 14.160.467 nəfər olmuşdur. Ən çox əhalisi olan ilçə 846.492 nəfər ilə [[Əsənyurd]], ən az əhalisi isə 14.907 nəfər ilə [[Adalar]] olmuşdur. İstanbul sakinlərinin 64,72% (9,726,373) Avropa hissəsində, 35,28%-i isə (5.302.858) şəhərin Asiya hissəsində yaşayır. Şəhər, əhalisinə görə dünyanın ən sıx şəhərləri siyahısında [[Laqos]]dan sonra 5-ci sırada qərarlaşmışdır. Son illərdə əhalinin kəskin artması ilə birlikdə hündürmərtəbəli binaların inşası da eyni şəkildə artmışdır.
== Coğrafiya ==
| |||