Güngörməz qalası rayon mərkəzindən 45 kilometr aralıdsaralıdа yerləşir. Tarixi mənbələrə görə, bu yaşayış yeri antik dövrdən XVII əsrə qədər olan böyük bir müddəti əhatə edib. Deyilənlərə görə, qala gün düşmədiyi üçün "Güngörməz" adlandırılıb. Düşmən hücumlarından qorunmaq üçün inşa edilən qala dağın ən hündür zirvəsində tikilib. Divarlarının eni 3 metrdir. Daxilində isə əlavə divarlar mövcuddur. Bu divarların da aşağı hissəsi 2 cərgə nəhəng sal daşlardan ibarətdir. Güman edilir ki, siklopik qalaları xatırladan "Güngörməz" qalasının inşasından əvvəl də bu ərazidə müdafiə qalası mövcud olub. "Güngörməz" qalasının tikintisində də siklopik qala qalıqlarından da istifadə edilib. Tarix-diyarşünaslıq evinin direktoru Sərdaxan Təhməzov bildirib ki, ərazidə qazıntı işləri aparılarkən küp qəbirlər, varlı adamlara məxsus məzarlar, saxsı qablar, daş dövrünə aid müxtəlif əşyalar və s. tapılıb<ref>{{cite news|last=Babayev|first=Mahir|title=Düşmən hücumlarından müdafiə olunmaq üçün inşa edilən “Güngörməz” qalasının tədqiqinə ehtiyac var|url=https://azertag.az/xeber/Dusmen_hucumlarindan_mudafie_olunmaq_uchun_insa_edilen_Gungormez_qalasinin_tedqiqine_ehtiyac_var-954352|publisher=azertag.az|date=24.06.2016}}</ref>. Qəbirlərdə onların işlətdikləri əşyalar, silahlar aşkar edilib. Həmin əşyalar rayonun tarix-diyarşünaslıq muzeyinə verilib. Arxeoloji abidədə yeni tədqiqat işlərinin aparılmasına ehtiyac var.
