Ənvər Məmmədxanlı [[1913]]-cü il [[28 fevral|fevralın 28-də]] Göyçay şəhərində doğulmuşdur. Burada ibtidai məktəbi bitirdikdən sonra Bakıda N. Nərimanov adına Sənaye texnikomunda təhsil almışdır ([[1926]]-[[1931]]). Sonra Bakıda mexaniki zavodda, energetika və elektrikləşdirmə idarəsində texnik, Azərbaycan Neft İnstitutu nəzdində olan elmi-tədqiqat institutunda texnik-elektrik işləmişdir ([[1931]]-[[1934]]). Eyni zamanda Azərbaycan Neft İnstitutunda iki il qiyabi təhsil almışdır. Azərnəşrin bədii şöbəsində redaktor və tərcüməçi ([[1934]]-[[1936]]), Moskvada Ali Kinematoqrafiya İnstitutunda müdavim ([[1936]]-[[1938]])<ref>Азербайджанской ССР кинематография. Кино: Энциклопедический словарь / Гл. ред. [[Sergey Yutkeviç|С. И. Юткевич]]; Редкол.: Ю. С. Афанасьев, В. Е. Баскаков, И. В. Вайсфельд и др. — Москва: Советская энциклопедия, 1987. — стр. 12.</ref>, [[Azərbaycanfilm|"Azərbaycanfilm" kinostudiyasında]] ssenari şöbəsinin rəisi ([[1941]]-[[1942]]), [[İkinci dünya müharibəsi]] dövründə cənub-qərb cəbhəsində "Qızıl Ordu" cəbhə qəzetinin Azərbaycan redaksiyasının xüsusi müxbiri olmuşdur. Sonra redaksiya ilə birlikdə [[Stalinqrad]]a göndərilmişdir. [[1942]]-ci ilin axırlarında bir qrup Azərbaycan yazıçısı ilə Şimali Qafqaz cəbhəsində, 416-cı diviziyada olmuşdur. Bakıda Azərbaycan Radio Verilişləri Komitəsində redaktor kimi çalışmışdır ([[1943]]-[[1944]]). Yenidən Zaqafqaziya cəbhəsinə, oradan [[İran]]a hərbi xidmətə göndərilmişdir. [[Təbriz]]də nəşr olunan "Vətən yolunda" ordu qəzeti redaksiyasıda xüsusi müxbir kimi çalışmışdır ([[1944]]-[[1946]]). Ordudan tərxis ediləndən sonra [[Azərbaycanfilm|"Azərbaycanfilm" kinostudiyasının]] ssenari redaksiya heyətinin baş redaktoru olmuşdur ([[1946]]-[[1964]]).
