"Rixard Vaqner" səhifəsinin versiyaları arasındakı fərqlər

Ölçüdə dəyişiklik yoxdur ,  1 ay öncə
== Bioqrafiyası ==
=== Uşaqlıq illəri ===
[[Şəkil:Wagnerbruhl.jpg|140px|thumb|left|Vaqnerin dünyaya gəldiyi ev]]
Rixard Vilhelm Vaqnerin öz dediklərinə görə o, 1813-cü il mayın 22-sində, [[Leypsiq]]də, Brüldə, “Qırmızı və Ağ şir” adlanan binanın ikinci mərtəbəsində dünyaya gəlib.<ref>On the Brühl as a centre of the Jewish quarter, see e.g. the [https://dbs.bh.org.il/place/leipzig Leipzig page of the Museum of the Jewish People website]</ref> İki gün sonra [[Müqəddəs Foma kilsəsi]]ndə xaç suyuna salınıb. Atası Fridrix Vaqner elə həmin ilin oktyabrında, Napoleonun məşhur Leypsiq döyüşündən sonra tifdən dünyasını dəyişib. Vaqnerin anası İohanna Rozina ''(qızlıq soyadı Pets)'' ikinci dəfə ailə dostu, aktyor Lüdviq Heyerə ərə gedib<ref>Newman (1976) I, 6</ref> ki, Heyer də qayğı və sevgisi ilə Vaqnerə demək olar atasını əvəz edib.
 
 
Bəstəkarlığın, kompozisiyanın qayda-qanunları barədə aydın təsəvvürü olmasa da, 1829-cu ildə Vaqner "D-moll" ''(re-minor)'' adlı ilk sonatasını yazır. Vaqnerin dahi bəstəkar kimi inkişafı demək olar, ümumilikdə məhz bu vaxtdan başlayır. Özünü bütünlüklə musiqiyə həsr etmək Vaqner üçün qarşısıalınmaz istəyə çevrilir. Gələcək bəstəkar üçün musiqi ilə məşğul olmaq hansısa musiqi alətində ifa etmək yox, yalnız "bəstəlçilik" mənasına gəlir, darıxdırıcı harmoniya dərsləri isə bəhrəsini vermir. Buna görə o, sevimli bəstəkarlarının partituralarını köçürərək özünütəhsillə məşğul olmağa başlayır. Vaqnerin kəşf etdiyi bu qeyri-adi özünütəhsil üsulu müsbət bəhrəsini verməyə başlayır və o bəstəkarlıq sənətinin qanunlarına yiyələnir. Bundan başqa, Vaqnerə Bethovenin yaradıcılığı ilə tanışlıq da kömək edir və gənc bəstəkarın musiqi zövqünün formalaşmasına güclü təsir göstərir. Bir müddət sonra ailədə qalmaqal düşür və məlum olur ki, Vaqner artıq yarım ildir "Nicolai Schule"dakı dərslərə getmir. Müəllimləri onun haqqında heç yaxşı şeylər düşünmür və 1830-cu ildə o məktəbi buraxaraq universitetə qəbul olmaq ümidini də itirir. 1930-cu ilin iyulunda [[Fransa]]da inqilab sədaları gəlməkdəydi. Bütün Avropanı bürüyən inqilab dalğası [[Saksoniya]]ya da toxunur və bu hadisələr Vaqneri "Fridrix və azadlıq" adlı siyasi uvertürasını yazmağa həvəsləndirir. Lakin universitetə daxil olmaq arzusu Vaqneri tərk etmir. Pasxa tətillərindən əvvəl o, birbaşa rektora mütaciət edərək musiqi bölməsinin tələbəsi kimi qəbul olunmağı xahiş edir.
[[Şəkil:Wagnerbruhl.jpg|140px|thumb|leftright|Vaqnerin dünyaya gəldiyi ev]]
 
=== Gənclik illəri (karyerası). 1830-1842 ===
Rixard Vaqner Pasxa tətillərindən əvvəl, birbaşa Leypsiq universitetinin rektoruna mütaciət edərək musiqi bölməsinin tələbəsi kimi qəbul olunmağı xahiş edir, razılıq alır və 1830-cu ildə Leypsiq universitetinə daxil olur. Burada o, fortepiano dərslərini orqan ifaçısı [[Hotlib Müller]]dən, musiqi nəzəriyyəsini isə Müqəddəs Foma məktəbinin kantoru [[Teodor Veylinq]]dən öyrənməyə başlayır. Bir vaxtlar həmin məktəbin kantoru vəzifəsini böyük [[İohann Sebastyan Bax]] tuturdu.