Qaraciyər sorucusu: Redaktələr arasındakı fərq

Bu növ kiçik yarpaq formasında olub, enli və qısadır. Uzunluğu 20-30 mm, eni isə 8-12 mm-ə qədər olur. Bədənin ön tərəfindən xortum şəklində uzanmışdır. Onun üzərində ağız və qarın sormacı vardır. Ağız sormacının diametri 1 mm, qarın sormacınınki isə 1,5-1,6 mm-dir. Bədənin ön hissəsində yumurtalıq, ondan arxada isə yumurta vəzisi yerləşir. Fassiolanın yumurtaları uzunsov və açıq sarı rənglidir. Yumurtaların bir qütbündə qapaqlıq, içərisində isə küllü miqdarda sarılıq hüceyrələri görünür. Yumurtanın uzunluğu 0,11-0,15 mm, eni isə 0,07-0,08 mm-dir .Uzunluğu 3-4 sm-ə çatır. Yarpaqşəkilli bədəni bel-qarın istiqamətində yastılaşmışdır. Bədənin ön hissəsindəki ağızın kənarı qalınlaşaraq əzələli ''ağız sormacını'' əmələ gətirir. Qarın hissədə yerləşən ''qarın sormacı'' vasitəsilə qaraciyərə yapışır. Ağız sormacının köməyi ilə qaraciyər hüceyrələri və qanla qidalanır.