İstifadəçi:Solavirum/Qaralama4: Redaktələr arasındakı fərq

Börkiyaruqun qarşılaşdığı ən çətin maneə 1089-cu və ya 1098-ci illərdə öz ögey qardaşı [[Məhəmməd Təpər|Məhəmməd Təpərin]] üsyanı idi. Üsyan əvvəllər Börkiyaruqa xidmət etmiş və Tutuşun məğlubiyyətində əsas rol oynayan [[Nizamülmülk|Nizamülmülkün]] oğlu Müəyidülmülk tərəfindən təşviq edilmişdi. O, Börkiyaruq tərəfindən vəzifəsindən azad edildikdən sonra onu vəzir təyin edən Məhəmmədin xidmətinə girir. Müəyidülmülk yeni vəzifəsindən öz rəqiblərindən intiqam almaq üçün istifadə edir. Məhəmmədin hələ yetkin yaşa çatmaması bunu daha da asanlaşdırırdı.{{Efn|Məhəmməd Təpər üsyanın qaldırıldığı dövrdə təxminən 17 yaşında idi.{{sfn|Pikok|2015|p=78}}}} Nizamiyyə və [[İsfahan|İsfahanın]] tanınmış ailələri də Məhəmmədə qoşulmuş, Börkiyaruqun şəhərə girməsinə maneə olur.{{sfn|Pikok|2015|p=78}} Üsyan 1093-cü ildə [[Arran|Arranda]] yerləşən [[Gəncə|Gəncə şəhərində]] başlamışdı ki, Börkiyaruq buranı Məhəmmədə [[iqta]] olaraq vermişdi.{{sfn|Tetli|2008|p=148}}

Məhəmmədin [[Rey|Rey şəhərini]] tutması Börkiyaruqun səltənətinin zəifliyini ortaya qoyur. [[Bağdad|Bağdad şəhərinin]] şihnəsi Sədəldəvla Qəvharayin qısa müddətdə [[Məhəmməd Təpər|Məhəmmədə]] qoşulur, bu da şəhərin Məhəmmədin hökmranlığı qəbul etdiyini göstərir. Buna baxmayaraq, beş il davam edən müharibənin gedişatı qətiyyətsiz davam edirdi və Bağdad şəhərin dəfələrlə əl dəyişdirirdi. Məhəmməd Börkiyaruqdan nifrət edən Səncərin dəstəyi ilə belə rəqibini məğlub edə bilmir. Börkiyaruqun nüfuzu zəifləməyə davam edir və 1104-cü ilə qədər xəzinəsi tükənir. Buna görə də o, barışıq üçün müraciət edir.{{sfn|Pikok|2015|pp=78–79}} Daha sonra müqavilə bağlanır, burada Məhəmməd Cənubi [[İraq]], Şimali [[İran]], [[Diyarbəkir|Diyar-i Bəkr]], [[Mosul]] və [[Suriya|Suriyanın]], Börkiyaruq isə [[İsfahan]] daxil olmaqla İranın qalan hissəsinin, o cümlədən Bağdadın hakimi qəbul edilir. Müqavilə, çox güman ki, vəziyyətin həqiqi şərtlərini göstərmir. Növbəti il mərkəzi [[islam]] torpaqlarında Börkiyaruq adına sikkə zərbxanaları olmur. Börkiyaruq [[Vərəm|vərəm xəstəliyinə]] yoluxur, 1104-cü və ya 1105-ci ildə, 25 yaşında, [[Bürucird]] yaxınlıqlarında vəfat edir.{{sfn|Özaydın|1992|pp=516}} Taxta oğlu [[II Məlikşah]] keçir, lakin Bağdad daha sonra Məhəmməd tərəfindən tutulur və II Məlikşah burada öldürülür.{{sfn|Pikok|2015|pp=80, 133}}