İsmayıl İsmayılov 1924-cü il mayın 28-də İrəvanda bağban ailəsində doğulmuşdur. 1941-ci ildə burada orta məktəbi bitirmişdir. İkinci Dünya müharibəsi başlayan il səfərbərliyə alınmışdır: onun döyüş yolu [[Novorossiysk]] şəhəri uğrunda qanlı vuruşmalardan başlamış, [[Polşa]], [[Çexoslovakiya]] və [[Almaniya]] ölkələrinin alınması ilə sona çatmışdır (1942–1946). 1947-ci ildə ordudan təxristərxis olunmuş, 1948–1953-cü illərdə "Sovet Ermənistanı" qəzeti redaksiyasıbda ədəbi işçi, stilist vəzifələrində işləmişdir. 1953-cü ildən Ermənistan Televiziya və Radio Verilişləri Komitəsində Azərbaycan dilində radio verilişləri redaksiyasına redaktor təyin olunmuşdur. [[Azərbaycanlıların deportasiyası (1948-1953)|Azərbaycanlıların Ermənistan ərazisindən deportasiyası]] zamanı Ermənistanı tərk etmişdir. Ədəbi fəaliyyətə 50-ci illərdən başlamışdır. Onun oçerk və hekayələri "Sovet Ermənistanı" qəzetində, "Ədəbi Ermənistan" almanaxında çap olunmuşdur. Onun heyakə və povestləri "Drujinaçı" (1965), "Müasirlərimiz" (1970), "Doğrulmayan etimad" (1978) kitablarında kütləvi tiraja buraxılmışdır. Poetik yaradıcılığında bayatı və rübailərə üstünlük vermişdir. "[["Şöhrət" ordeni (Azərbaycan)|Şöhrət]]", I dərəcəli [[Vətən Müharibəsi ordeni|"Vətən müharibəsi" ordenləri]] və medallarla təltif olunmuşdur.<ref name= "ay"/>
2003-cü il oktyabrın 23-də Bakıda dünyasını dəyişmiş, [[Mehdiabad]] qəbiristanlığında dəfn edilmişdir.<ref name= "ay">Teymur Əhmədov. Azərbaycan Yazıçıları XX–XXI yüzillikdə. Bakı, 2011. s. 493</ref>
