İsgəndər Həmidov: Redaktələr arasındakı fərq

Fevralın 25-dən 26-na keçən gecə erməni dəstələri bir neçə zirehli texnikanın dəstəyi ilə [[Xocalı|Xocalı şəhərinə]] hücum etmiş, yerli əhaliyə [[Xocalı soyqırımı|soyqırım törətmişdir]]. Baş verən hadisələr mart ayına qədər ictimaiyyətdən gizli saxlanılmışdır. Həmin ay [[Azərbaycan Ali Sovetinin Milli Şurası]] jurnalist [[Çingiz Mustafayev]]in Xocalı soyqırımı ilə bağlı videoçarxının yayımlanmasına icazə vermişdi. Soyqırımın görüntüləri Azərbaycan ictimaiyyətini sarsıtmış, Mütəllibova qarşı nifrətə səbəb olmuşdu.{{Sfn|Əlizadə|2006|pp=366–376}} Bir çox cəbhəçilər Mütəllibovu tənqid etmiş, İsgəndər Həmidov isə Mütəllibovun [[Qara Yanvar|20 Yanvar faciəsi]] nəticəsində hakimiyyətə gəldiyini və [[Rusiya|Rusiyanın]] maraqlarına xidmət etmək üçün [[Kreml (Moskva)|Kreml]] tərəfindən [[Azərbaycan Kommunist Partiyası]]na rəhbər təyin edildiyini demişdir.{{Sfn|Qolts|2015|p=136}} Həmçinin, o, Mütəllibovu [[Azərbaycan Respublikasının Konstitusiyası|Azərbaycan Konstitusiyasını]] pozmaqda ittiham etmişdir, çünki Ali Sovetin milli ordu yaratmaq məqsədi daşıyan qanunu qəbul etməsinə baxmayaraq, Mütəllibov onu icra etməmişdi. Bu səbəblərdən Həmidov Mütəllibovun istefaya getməsini tələb etmişdir.{{Sfn|Bölükbaşı|2011|p=185}} Nəticədə, Mütəllibov müxalifətin təzyiqi ilə 6 martda prezident vəzifəsindən istefa vermişdir.{{Sfn|de Vaal|2013|pp=185–186}} Bu dövrdə İsgəndər Həmidov Bozqurd Partiyasını (sonralar [[Azərbaycan Milli Demokrat Partiyası]]) yaratmış və onun rəhbəri olmuşdur.{{Sfn|Zeynalov|1996}} Onun partiyası və milislərinin, adlanmaya baxmayaraq, [[Türkiyə|Türkiyədəki]] [[Türkçülük|türkçülər]] ilə əlaqələsi az idi{{Sfn|Bölükbaşı|2011|p=198}} və Həmidov özü Türkiyədəki [[Ülküçülük|ülkücü ocaqlarına]] bağlılıq təklifindən imtina etmişdir.{{Sfn|Davişa|Perrott|1997|p=148}} O, Mütəllibovun devrilməsi prosesi əsnasında partiyasının üzvlərini avtobusa yığmış, [[Şamaxı]]ya yollanmışdır. Burada Mütəllibovun həmyerliləri onun hakimiyyətə qayıtması üçün etiraz aksiyası keçirirdi, lakin Həmidov və dəstəsi etirazçılara hücum etmiş, onları döyərək susdurmuşdu.{{Sfn|Əlizadə|2006|pp=384–385}}

 

Hər halda, 14 mayda [[Azərbaycan Ali Sovetinin Milli Şurası|Azərbaycan Ali Soveti]] yenidən iclas keçirmiş və Mütəllibovun vəzifəsi keçmiş [[Kommunizm|kommunist]] deputatlar tərəfindən bərpa edilmişdir. Onlar Mütəllibovun istefasını konstitusiyaya zidd elan etmişdi, çünki Xocalı istintaqının ilkin nəticələri onun hər hansı qanunsuz hərəkətinin olmadığını göstərmişdi.{{Sfn|de Vaal|2013|p=194}} AXC bunu dövlət çevrilişi kimi qiymətləndirmiş, Mütəllibovu yenidən vəzifəsindən uzaqlaşdırmağı planlaşdırırdı.{{Sfn|Qolts|2015|pp=190–191}} Onlar əvvəlcə Mütəllibova ultimatum göndərmiş,{{Sfn|Əlizadə|year=2006|p=394}} lakin diplomatik mənbələr rus əsgərlərinin müdaxilə etməyəcəyini bildirdikdən sonra silahlı hücuma başlamışdır. Mütəllibov hakimiyyətdə qalmaq üçün rus qüvvələrinin köməyinə ümid bəsləsə də, Rəhim Qazıyevin səyləri nəticəsində ondan məhrum olmuşdu.{{Sfn|Həmid|2020}}