Xədicə Şükriyə Sultan: Redaktələr arasındakı fərq

Şükriyə Sultan [[24 fevral]] [[1906]]-cı ildə atasına məxsus Çamlıca köşkündə dünyaya gəldi. Atası [[Əbdüləziz|Sultan Əbdüləziz]]in oğlu [[Yusif İzzəddin Əfəndi|İzzəddin Əfəndi]], anası isə onun son xanımı Ləman Ünlüsoydur. Hələ 10 yaşında ikən atası [[Yusif İzzəddin Əfəndi|İzzəddin Əfəndi]] Zincirlikuyudakı köşkündə ölü olaraq tapıldı. Ölüm səbəbi intihar nəticəsindəki qan itkisi olaraq göstərilsə də, [[İttihad və Tərəqqi|İttihadçılar]] tərəfindən qətlə yetirilməsi haqqında fərziyyələr də var. Atasının vəfatından sonra 4 ay boyunca anası, bacısı [[Mehriban Mihrişah Sultan|Mihrişah Sultan]] və qardaşı [[Mehmed Nizaməddin Əfəndi|Nizaməddin Əfəndi]]ylə birlikdə [[Dolmabağça sarayı]]nda qonaq edildilər və bu müddət ərzində [[V Mehmed|Sultan Rəşad]] tərəfindən atasının mirası bölüşdürüldü.

Şükriyə Sultan hələ 17 yaşında ikən [[I Əbdülməcid|Sultan Əbdülməcid]]in nəvəsi ([[Səlim Süleyman Əfəndi|Süleyman Əfəndi]]nin oğlu) [[Mehmed Şərafəddin Əfəndi|Şərafəddin Əfəndi]]ylə nigahlandı. Cütlüyün toy mərasimi [[14 noyabr]] [[1923]]-cü ildə Nişantaşı köşkündə baş tutdu. Ancaq cəmi bir neçə ay sonra —- [[3 mart]] [[1924]] tarixli [[Türkiyə Böyük Millət Məclisi|TBMM]] qərarı ilə digər [[Osmanlı xanədanı|Osmanlı sülaləsi]] üzvləri kimi, Şükriyə Sultan da ailəsiylə birlikdə sürgünə göndərildi. Sürgündəki ilk mənzil [[Paris]] şəhəri oldu. Ancaq bir il sonra cütlük [[Beyrut]]a köçdü və [[1927]]-ci ildə burada boşandılar.

Boşandıqdan sonra o və bacısı [[Mehriban Mihrişah Sultan|Mihrişah Sultan]] [[İsgəndəriyyə]]də yaşayan [[Lütfiyə Sultan]]ın yanına köçdülər. Burada ikən Şükriyə Sultan [[Küveyt əmirlərinin siyahısı|Küveyt əmiri]] [[Əhməd Əl-Cabir Əs-Sabah|Əhməd Əs-Sabah]]la evləndi. Toy mərasimi [[4 sentyabr]] [[1935]]-ci ildə [[Qahirə]]də baş tutan cütlük cəmi 2 il sonra boşandı.

[[10 fevral]] [[1938]]-ci ildə Zivər Paşanın oğlu Midhat bəylə nişanlansa da, bu evlilik heç vaxt baş tutmadı. [[1944]]-cü ildə [[II Əbdülməcid|xəlifə Əbdülməcid]]in vəfatından sonra ailə rəisliyi seçimlərində Şükriyə Sultan, o əsnada bacısı [[Mehriban Mihrişah Sultan|Mihrişah Sultan]]ın gizli münasibət saxladığı [[Ömər Fərrux Əfəndi|Fərrux Əfəndi]]ni dəstəklədi. Buna baxmayaraq [[Əhməd Nihad Əfəndi]] ailə rəisi seçildi.

[[1949]]-cu ilin aprelində Şükriyə Sultan Mehmed Şəfiq Ziya bəylə evləndi. [[1952]]-ci ildə çıxan və [[Osmanlı xanədanı|Osmanlı sülaləsi]]nin yalnız xanım üzvlərinə aid edilən əfv qanunuyla [[Türkiyə]]yə qayıdan Şükriyə Sultan [[1 aprel]] [[1972]]-ci ildə burada vəfat etdi. Cənazəsi [[Sultan Mahmud türbəsi]]nə — atasının yanına dəfn olundu.