|
|rəsmi_saytı =
}}
'''Candar''', Candari — [[Gürcüstan|Gürcüstan Respublikasının]] Kvemo Kartli mahalının Marneuli bələdiyyəsi ərazisində azərbaycanlıların yaşadığı kənd. Marneulidən 3 km. şimalda, dəniz səviyyəsindən 460 metr yüksəklikdə yerləşir. Candar kəndi Marneuli aqlomerasiyasına daxildir. Əhalisi 3118 nəfərdir (2002); əsasən əkinçiliklə məşğuldur. Kənddə Azərbaycan dilində məktəb 1922-ci ildən fəaliyyət göstərir.Kəntdə sınanmış "Çinar" ağacı mövcuddur.Hər il 22 mart tarixində,Marneulinin ətraf kəndləri və Dmanisi,Bolnisi , Qardabani rayonlarından yüzlərlə insan bu ağacı ziyarətə gəlir."Çinar" haqqında müxtəlif rəvayətlər var.İslam dininə aidiyyatı olmasa da çox qədim tarixi var.
=== '''Şair Sərxan Candarlı''' ===
1952-ci il oktyabrın 9-da Marneuli rayonundakı Candar kəndində anadan olmuşdur. Elə orta təhsilini də bu kənddə almışdır. Gənclik çağlarından poeziyaya meylini salmış Sərxan Candarlı gözəl şeirlər yazmağa başlamışdır. Onun şeirləri Gürcüstanın dövri mətbuatında: “Axali Marneuli”, “Sovet Gürcüstanı” qəzetlətində, “Dağlar dərdə düşsə” toplusunda, “Əhli-beyt” jurmalında dərc etdirmişdir. Onun qoşquları aşıqlar tərəfindən sevə-sevə oxunur. Sərxan Candarlı qoşma, gəraylı və başqa şeir nümunələrini artıq kitab şəklində nəşr etdirmişdir.
=== '''Həsrət Əli oğlu Həsənov''' ===
1930-cu ildə Marneuli rayonunun Candar kəndində anadan olmuşdur.1937-ci ildə Candar kənd məktəbinin birinci sinfinə daxil olmuş və 1945-ci ildə həmin məktəbin səkkizinci sinfini,1949-cu ildə isə Borçalı pedaqoji texnikumunu bitirmişdir.Təhsilini davam etdirmək üçün Bakıya gəlib Azərbaycan Dövlət Universitetinin filologiya fakültəsinin dil və ədəbiyyat şöbəsinə daxil olmuşdur. 1954-cü ildə universiteti bitirib Marneuliyə qayıtmış və 1954-1959- cu illərdə Qasımlı ,Keşəli və Kirovka kəndlərində müəllim işləmişdir.Keşəli səkkiz illik nəktəbində əvvəlcə dərs müdiri,sonra idə direktor vəzifəsində çalışmışdır. H.Həsənov 1959-cu ildə Bakıya qayıdaraq bir müddət Bülbülə qəsəbəsindəki 208 saylı orta məktəbdə müəllim işləmişdir. 1960-ildən Azərbaycan Dövlət Universitetinin ümumi dilçilik kafedrasında əvvəlcə qiyabi,sonra isə əyani aspirant olmuşdur. 1963-1965-ci illərdəhə həmin kafedrada saathesabı müəllim,1965-ilin sentyabrından müəllim,1967-ci ildən isə baş müəllim işləmişdir. 1970-1980-ci illərdə Azərbaycan dilçiliyi kafedrasının dosenti olmuş,1980-ci ildən isə Azərbaycan dilçiliyi və dil nəzəriyyəsi kafedrasının professorudur. Həsrət Həsənov 1964-cü ildə "Müassir Azərbaycan dilində təktərkibli şəxsi (müəyyən şəxsi,qeyri-müəyyən şəxsi və ümumi şəxsi) cümlələr" mövzusunda namizədlik,1980-ci ildə "Azərbaycan dilində omonimiya" mövzusunda doktorluq dissertasiyası müdafiə etmişdir. Həsrət Həsənovun Azərbaycan dilçiliyinin müxtəlif sahələrinə aid 130-a qədər elmi məqaləsi,24 kitabı işıq üzü görmüşdür.Nəşr olunmuş kitablarından "Dilin ictimai mahiyyəti","Nitq mədəniyyəti və üslubiyyətin əsasları", "Azərbaycan şəxs adlarının izahlı-etimoloji lüğəti" ,"Ad dil,tarix,mədəniyyət nişanəsi" , "Müassir Azərbaycan dilini leksikası" və s. göstərmək olar.. Mənbə:/ "Borçalı" kitabı
=== '''Fərman Abdullayev Səməd oğlu''' ===
1938-ci il iyun ayının 9-da Marneuli rayonunun Candar kəndində andan olmuşdur.1947-ci ildə Candar kənd səkkizillik məktəbinin birinci sifinə getmiş və 1955-ildə oranı bitirmişdir.Sonra təhsilini Marneuli şəhər 1 saylı orta məktəbində davam etdirmişdir.1958-ci ildə həmin məktəbdə onbirillik təhsilini başa vurmuş və elə həmin ilin sentyabrında ordu sıralarına çağrılmışdır. 1961-ci ildə ordudan təxis olunduqdan sonra Bakı şəhərinə gələrək Politexniktexnikumunun topoqrafiya şöbəsinə daxil olmuşdur. Fərman Abdullayev 1964-cü ildətexnikumda təhsilini bitirərək "Azqiprovodxoz" layihə insitutunda əmək fəaliyətinə başlamışdır.Ancaq ailə vəziyyəti ilə əlaqədar olaraq Gürcüstana qayıtmış,Tetriskaro (Ağbulaq) rayonundakı Marabda su dəryaçasında istismarçı vəzifəsində işləmiş,Aşağı və Yuxarı Candar magistral kanallarının yenidən qurulmasında fəaliyyət göstərmişdir. 1966-cı ildə yenidən Bakıya -"Azqripovodxoz" layihə insitutuna qayıtmışdır.1974-1978-ci illərdə burada mühəndis-topoqraf işləmişdir. Fərman Avdullayev "Azqripovodxoz"da işlədiyi müddətdə (1966-1988) Yuxarı Şirvan kanalının,Baş Mil-Muğan kollektoru layihəsinin,Kürdəmir-Mollakənd-Zərdab-Seyidlər avtomobil yolu layihəsinin,Şəkidə Əyriçay dəryaçası layihəsinin həyata keçirilməsində,Mil,Muğan,Şirvan və Qarabağ zonalarında müxtəlif miqyaslı topoqrafik xəritələrin tərtibində bilavasitə iştirak etmişdir. 1988-1990-cı illərdə "İttifaqsulayihə"nin xətti ilə İraqda ezamiyyətdə olmuşdur.Burada işlədiyi müddətdə 66kv.kmsahəsi olan Dolmac gölünün ətrafına 56km uzunluğunda bənd bəndin üstü ilə yol tikintisində ,Dəclə-Fərat kollektorunun tikintisində iştirak etmişdir. 1990-1995-ci illərdə "Azqrioovodxoz" da topoqrafiya şöbəsində birinci dərəcəli mühəndis-topoqraf vəzifəsində işləmişdir.1995-ci ildən isə Layihə-axtarış birliyində xüsusi işlər üzrə baş mütəxəssis vəzifəsində çalışıb,xəritə fonduna rəhbərlik edib. Fərman Avdullayevin əməyi dəfələrlə mükafatlandırılmışdır.
Mənbə:/ "Borçalı" kitabı
=== '''Şaban Mamedov Faril oğlu''' ===
Şaban Mamedov Faril oğlu 14 fevral 2001-ci ildə Marneuli rayonunun Candar kəndində anadan olub.
7 ayında, qanında Sepsis (qan zəhərlənməsi) tapılıb və həkimlərin düzgün mualicə etməməsi səbəbindən, hər iki gözü görmə qabiliyyətini itirib.
Bu günədək üç dəfə göz əməliyyatı olmasına baxmayaraq, təssüf ki heç bir əməliyyat müsbət nəticə verməyib.
Şaban 2007-ci ildə Candar Orta məktəbinə birinci sinifə daxil olub. Birinci sinifi bitirdikdən sonra, Tbilisi şəhərində 202 nömrəli gözdən əlillər orta məktəbinə daxil olur və 12 il təhsilini bu məktəbdə davam etdirərək həmin məktəbin məzunu olub.
Şaban 4-5 yaşlarında, səsli oyuncaqlarla oynayarkən, musiqiyə meyl salır, öz bacarığı ilə, musiqiləri ifa edir,artıq 6 yaşında isə oyuncaq pianoda "cip cip cücələrim"i sərbəst ifa etməyə başlayır.O görə bilməsə də,sanki həyatın onu sınağa çəkdiyi qaranlıq dünyaya,öz musiqi duyumu ilə işıq saçmağa çalışır.
7 yaşında, atası Faril Mamedov, oğlunun istedadını görür və bu istedadı dəyərləndirməli olduğuna qərar verir.O,Şabana sintezator alır və musiqi məktəbinə aparır.
Şaban, musiqi məktəbində, klaviş kurslarından əlavə, Solvejio, xor, vocal və Gürcü milli folklor kursları almağa başlayır.
2009-cu ildə, Şaban ilk dəfə, Marneuli Mədəniyət Mərkəzində böyük səhnəyə çıxır. O, piano çalmaqla bərabər, mahnı ifa edir və böyük tamaşaçı sevgisi qazanır. Ardınca, qəzet, jurnal və telekanallar, Şabanın bacarığından yazmağa başlayır.
2013-cü ildə, Şaban ilk dəfə "Qızıl İblis"beynəlxalq yarışmaya qatılır və "Grand-Prix" mükafatına layiq görülür.
Həmin ili, Latviyanın paytaxtı Riqa şəhərinə, beynalxalq yarışmaya dəvət alır və orada 37 dövlətin qatıldığı yarışmanın, 3 nominasyada qalibi olur. (Üçüncü, Birinci və Grand-Prix).
2014-cü ildə, Rusiyanın paytaxtı Moskva şəhərində keçirilən "Белая Трость" festivalına, Gürcüstanı təmsil etməyə dəvət alır və uğurla çıxış edir.
2015-ci ildə, Türkiyədə keçirilən, "Bala Turkvision" beynəlxalq yarışmada Gürcüstanı təmsil edir. Qeyd edək ki, bu yarışmanın tarixində, ilk dəfə Gürcüstan finala düşür. Şaban orada üçüncü yerə layiq görülür.
2016-cı ildə, Kobuleti şəhərində keçirilən "Orange Kobuleti" beynəlxalq yarışmada Marneuli ansamblının klavişniki olaraq, "Grand-Prix" mükafatına layiq görülür.
2017-ci ildə ildə, Rustavi şəhərində təşkil olunmuş "მზე ხელის გულზე" adlı festivalda, Şaban "Tamaşaçıların simpatyası" tituluna layiq görülür.
2018-ci ildə, Ukraynanın Xarkov şəhərində keçirilən beynəlxalq yarışmada "Grand-Prix" mükafatına layiq görülür.
2018ci ildə, Kutaisi şəhərində təşkil olunmuş "İveria briliant" beynəlxalq əlillər musiqi və incəsənət yarışmasında "Grand-Prix" mükafatına layiq görülür.
2018-ci ildə, Tbilisi şəhərində keçirilən "Tamila Golden Fest" beynəlxalq musiqi yarışmasında "Grand-Prix" mükafatına layiq görülür.
2019-cu ildə, Ukraynanın Vinica şəhərində "Золотой Птах" (Qızıl Quş) adlı beynəlxalq yarışmada birinci yerə layiq görülür.
2019-cu ildə, Marneuli şəhərində keçirilən "სხვა საქართველო სად არის" (Başqa Gürcüstan harda var) adlı yarışmada "Grand-Prix" mükafatına layiq görülür.
2019-cu ildə, Gürcüstan Azərbaycanlılar konqresi, Şabanın uğurlarını dəstəkləyərək, Şabanı "Fəxri Fərman" ilə təltif ediblər..
2020-ci ildə, Ukraynanın Xerson şəhərində keçirilən "Star Skiff" beynəlxalq musiqi yarışmasında "Grand-Prix" mükafatına layiq görülür.
2021ci ildə, Ukraynada, Skadovsk şəhərində keçirilən beynəlxalq festivalda "Festivalın Qızıl Səsi" tituluna layiq görülür.
Yarışmalardan əlavə Şaban bir çox yerli konsertlərdə və tədbirlərdə öz musiqi ifalarıyla tamaşaçıları sevindirib.
Şabanın bütün bu sayısız uğurlarında,ailəsinin,xüsusən atası Faril Mamedov Şaban oğlunun,elin-obanın, Marneuli Mədəniyət Mərkəzinin,o cümlədən yerli hakimiyyətin böyük dəstəyi olub.
Şaban Tbilisi 202 nömrəli gözdən əlillər məktəbini bitirib. Həmçinin o, Tbilisi 10 nömrəli musiqi məktəbinin, fortepiano kursunu bitirib. "Tbilisi Evgeni Mikeladze" adına mərkəzi musiqi məktəbinin, classic vocal fakultetini bitirib.
Şaban Azərbaycan, Türk, Gürcü, Rus və İngilis dilində sərbəst danışır. Kompyuterdə sərbəst işləyir və "System Administratoru" olaraq da fəaliyyət göstərir.
Hal hazırda, Şaban, Marneuli Mədəniyət Mərkəzinin solisti olaraq çalışır və İlia Dövlət Universitetinin, Elm və İncəsənət fakultesinin ikinci kurs tələbəsidir.[https://www.facebook.com/shaban.mamedov Shaban Mamedov Facebook]
[https://youtube.com/c/ShabanMamedov Shaban Mamedov YouTube]
[https://m.facebook.com/groups/1857714667842015/permalink/2368861393394004/ Candarlılar Facebook Group]
== Mənbə ==
* Azərbaycan Milli Ensiklopediyası. V cild. Bakı, 2014. səh.185.
https://m.facebook.com/groups/1857714667842015/permalink/3223059184640883/
== İstinadlar ==
{{İstinad siyahısı|2}}
| 