'''Qırqovulkimilər''' ([[lat.|latınca]] Phasianidae (Horsfield, [[1821]])) — [[toyuqkimilər]] (Galliformes) dəstəsinin geniş yayılmış fəsiləsi. Bir neçə daha kiçik müstəqil yarımfəsilələrə bölünür.
Buna qohum olan tetrakimilər fəsiləsindən fərqli olaraq, qırqovulkimilərin pəncə lüləsi çılpaqdır. Dimdiyi möhkəm olub üst hissəsi aşağıya doğru bir az əyri, qanadı qısa və enlidir. Erkəkləri iri, ayağında mahmız və çoxunun rəngi əlvan olur. Fəsiləyə 50-dən artıq cins və 180-ə yaxın növ aiddir. [[Avropa]], [[Asiya]], [[Amerika]] (soyuq qurşaqlar müstəsna olmaqla) və Afrikada[[Afrika]]da vardır. Azərbaycanda 7 növü — [[bildirçin]], [[dağ kəkliyi]], [[turac]], [[Qafqaz uları]], [[Xəzər uları]] (fır kəklik), [[boz kəklik]] (çil), və [[qırqovul]] yayılmışdır. Tarla, çöl və çəmənlərdə, meşə, göl ətrafı və qamışlıqlarda, dağlarda, qayalıqlarda yaşayır. 6-20 yumurta qoyur. Giləmeyvə, toxum, bitki, cücülər və onurğasız heyvanlarla qidalanır. Kənd təsərrüfatına xeyir verir. Qiymətli ov quşlarıdır. Bəzi növləri ev quşlarının əcdadları hesab olunur. [[Tovuz quşu]] əhliləşdirilmiş, qırqovul ovçuluq təsərrüfatlarında saxlanılır.
