Apollon (mifologiya): Redaktələr arasındakı fərq

}}

'''Apollon''' ({{lang-gr|Ἀπόλλων}}; {{lang-la|Apollo}} mənası işıq; şüa) yunan mifologiyasında ikinci nəsil tanrısı, [[Zevs]]in və [[Leto (mifologiya)|Leto]]nun oğlu, [[Artemida]]nın ekiz tayı - qardaşı. İşıq, kəhanət, şeir və musiqi tanrısı. Yoluxucu xəstəlikləri o göndərir və o sağaldır. Simvolları Dəfnə, yay, lira, delfin və qarğadır.

== Doğulması ==

Rəvayətə görə [[Titanlar|titan]] tanrı [[Key]] və ilahə [[Feba]]nın qızı [[Leto (mifologiya)|Leto]] [[Zevs]]dən hamilə qalır. [[Hera]]nın qəzəbinə gəlmiş və onun tərəfindən göndərilmiş [[Pifon (mifologiya)|Pifon]] əjdahanın təqibinə düçar olmuş Leto doğmağa yer tapa bilmir. [[Leto (mifologiya)|Leto]] sığınacaq tapa bilməyərək bütün Ellada elini dolaşdıqdan sonra nəhayət otsuz ələfsiz səhralıq olan üzən Delos (Ortigiya) adasına gəlib çıxır. Delosun onu qəbul etməsi üçün, söz verir ki, doğulacaq uşaq adanı məhşurlaşdıracaqdır. Təkcə doğuş ilahəsi [[Eylifeya]]ya möhtac olan [[Leto (mifologiya)|Leto]] doqquz gün sancılardan əziyyət çəkir. [[Hera]] doğuş ilahəsini qızılı buludlara qərq edir ki, [[Eylifeya]] heçnə duymasın. Xoşbəxtlikdən becit ayaqlı [[İrida]] doğuş ilahəsini adaya yetişdirir və [[Apollon]] doğulmuş olur. Digər bir rəvayətdə guya ilk doğulmuş [[Artemida]] dərhal anasına [[Apollon]]u doğmaqda kömək edir. [[Apollon]] göz qırpımında böyüyərək aləmə nur saçır. Dünyaya gələn gündən üzən ada bir yerdə qərar tutaraq canlanır və bitki örtüyünə, gül-çiçəklərə qərq olur.