Sulfat anhidridi

Sulfat anhidridi, kükürd 6-oksid, SO₃—otaq temperaturunda rəngsiz qazdır. Bərk sulfat anhidridi alfa-, beta-, qamma və delta-modifikasiyalarında olur. Onların ərimə temperaturları müvafiq olaraq 16,8, 32,5, 62,3 və 95 °S-dir. Həmin modifikasiyalar bir-birindən SO₃ kristallarının forması və polimerləşmə dərəcələri ilə fərqlənir. Rütubətli havada SO₃ tüstülənir (buxarlanaraq havada H₂SO₄ damcıları əmələ gətirir).

Sulfat anhidridi sənayedə kükürd qazını katalitik oksidləşdirmə yolu ilə alınır. Ondan sulfat turşusu, oleum, susuz HNO₃ və s. hazırlanmasında istifadə olunur.