[[İynəyarpaqlılar]] ([[latınca|lat.]] ''PinalesPinopsida'') - çılpaqtoxumlu bitkilərin ən geniş yayılmış yarımsinfisinfi. Toxumlu bitkilərin daş kömür dövründə meydana gəlmiş qədim qrupudur. Bəzi fəsilələrinin qalıqları yalnız qazıntı halında məlumdur. 8 fəsiləyə (55 cinsə) daxil olan 600, o çümlədən respublikamızda 9 (2 [[şam]], 6 [[ardıc]], 1 [[qaraçöhrə]]) növü yayılmışdır. Həmişəyaşıl, bəzən yarpağıtökülən [[ağac]], nadir hallarda [[kol|kollardır]]. Əksəriyyətində [[mikoriza]] müşahidə edilir. Yarpaqları oturaq [[iynəvarı]], [[pulçuqvarı]], bəzən [[lövhəli-lansetvari]] və s. olur. Strobilləri (generativ orqan) ayrı-cinsiyyətlidir. Küləklə tozlanır. Tozlandıqdan sonra endospermlə təchiz olunmuş rüşeym inkişaf edir. Toxumların quruluş və forması müxtəlifdir. İynəyarpaqlılar [[Yer kürəsi|Yer kürəsinin]], xüsusən [[Avrasiya]] və [[Şimali Amerika|Şimali Amerikanın]] bitki örtüyünün əsasını təşkil edir. İynəyarpaqlıların təsərrüfatda böyük əhəmiyyəti var. Odunçağından tikinti materialı kimi istifadə edilir, [[kağız]]-[[sellüloz]], [[kanifol]], [[skipidar]], [[aşı maddələri]] və s, bəzi İynəyarpaqlıların toxumundan yağ alınır. Qiymətli [[dekorativ bitkilər|dekorativ bitkilərdir]].
