'''Rekviyem''' ([[latın dili|latın]] mətninin ilk sözündən: "Requiem aeternam dona eis, Domine" - "İlahi, onlara əbədi rahatlıq ver") mərhumun xatirəsinə həsr olunmuş dini matəm [[messa|messası]]. Təntənəli [[Roma Katolik Kilsəsi|katolik]] messasının "Gloria" ("Eşq olsun"), "Credo" ("Etiqad edirəm") hissələri rekviyemdə "Requiem", "Dies irae" ("Qəzəb günü"), "Lacrimosa" ("YalvarışGöz yaşı") və s. ilə əvəz olunmuşdur. Rekviyem [[Qriqori xoralı|Qriqori xoralları]] melodiyalarından yaranmış, 15 əsrdə həmin melodiyaların çoxsəsli işləmələri meydana gəlmişdir. 17-18 əsrlərdə rekviyem xor, solist və orkestr üçün iri həcmli silsilə əsərə çevrilmiş, Qriqori xorallarının melodiyaları bəstəkarların orijinal musiqisi ilə əvəz olunmuşdu. Rekviyemin ən görkəmli nümunələri konsert salonlarında ifa edilir. [[Volfqanq Amadey Motsart]], [[Hektor Berlioz]], [[Cüzeppe Verdi]] və [[İohannes Brams|İohannes Bramsın]] rekviyemləri geniş şöhrət qazanmışdır. 20 əsrdə bəstəkarlardan [[Dmitri Kabalevski]], [[Bencamin Britten]] ("Hərbi rekviyem") və başqalar rekviyem nümunələri yaratmışlar.
