Qondarma Dağlıq Qarabağ Müdafiə Ordusu
Bu səhifənin səhifə silmə qaydasına əsasən silinə biləcəyi güman edilir. Əgər səhifənin silinməsinə dair etirazınız varsa, silinməyə namizəd səhifələr səhifəsində bu barədə fikrinizi bildirin. Müzakirə davam etdiyi müddət ərzində səhifədəki bu xəbərdarlığı silməyin.
Bu məqalə sonuncu dəfə 3 il əvvəl MJL (müzakirə | töhfələr) tərəfindən redaktə olunub. (Yenilə) |
Bu məqalənin sonunda mənbə siyahısı var, lakin mətndaxili mənbələr heç və ya kifayət qədər istifadə edilmədiyi üçün bəzi məlumatların mənbəsi bilinmir. |
Dağlıq Qarabağ Müdafiə Ordusu (Արցախի Հանրապետության պաշտպանության բանակ) — Dağlıq Qarabağ Respublikasının silahlı qüvvələri. Dağlıq Qarabağdakı Erməniləri qorumaq üçün yaradılmış olan qeyri-nizami müdafiə dəstələri var idi. [2]
| Dağlıq Qarabağ Respublikası Silahlı Qüvvələri | |
|---|---|
 | |
| Qurulub | 9 may 1992 |
| Dağılıb | 20 sentyabr 2023 |
| Qərargah | Xankəndi |
| Veb-sayt | nkrmil.am |
| Canlı qüvvə | |
| Hərbi yaş | 18 |
| Əsgərlik müddəti | 2 il |
| Aktiv kadr | 20.000[1] |
| Əlaqədar məqalələr | |
| Tarix |
Qarabağ müharibəsi (1988–1994)
|
Dağlıq Qarabağ Müdafiə Ordusu təxminən 15-20 min əsgərdən ibarət olduğu güman edilir. Şəxsi heyətinin çoxu Qarabağ və Azərbaycanın müxtəlif yerlərindən gəlmiş ermənilərdən ibarətdir. Arsenallarında olan silahların böyük əksəriyyəti Sovet ordusundan qalmış olan Kalaşnikov avtomatları, müxtəlif SSRİ istehsalı olan tanklar, ağır toplardan ibarətdir. Əsas silah və sursat dəstəkçisi Ermənistan Respublikasıdır.
Bu ordunun yaradılmasında Robert Koçaryanın (Ermənistan Respublikasının keçmiş prezidenti və Dağlıq Qarabağ Müdafiə Ordusunun ilk baş komandanı), Serj Sarkisyanın (Ermənistan Respublikası nın hal-hazırda olan prezidenti), Vazgen Sarkisyanın (1992-1993-cü illərdə Ermənistan Respublikasının Müdafiə naziri, 1993-1995-ci illərdə müdafiəyə cavabdeh olan nazir, 1998-1999-cu illərdə baş nazir), Monte Melkonyanın (Martuni bölgəsinə cavabdeh olan şəxs), Samvel Babayanın (1994-2000-ci illərdə Dağlıq Qarabağ Respublikasının Müdafiə naziri) mühüm xidmətləri olmuşdur.
Bu ordu çox böyük və ağır silahlar ilə təchiz edilmişdir: 316 ədəd tank, 323 ədəd zirehli maşın, 322 ədəd 122 mm-lik top, 44 ədəd reaktiv yaylım atəş sistemi və yeni bir ədəd hava hücumlarından müdafiə sistemi. Bu ordu Ermənistan Silahlı Qüvvələri nə dərindən bağlıdır. Ümumiyyətlə bu ölkənin dünyanın heç bir ölkəsi və beynəlxalq təşkilatı tərəfindən tanınmaması səbəbinə görə bu dövlət həyatda qala bilmək üçün Ermənistana möhtacdır. Ermənistan hakimiyyəti isə bu ölkəyə qarşı edilmiş hər hansı bir hücumu, özünə qarşı edilmiş bir hücum kimi qiymətləndirir.
Dağlıq Qarabağ Respublikası hökuməti Avropada Adi Silahların Məhdudlaşdırılması Müqaviləsinə qoşulmadığına görə onun silahlı qüvvələri müqaviləyə üzv olan ölkələr kimi məhdudlaşdırılmır.
İstinadlar
- ↑ Baranec, Tomáš; Juraj, Beskid. "Nagorno-Karabakh and the military balance". The Central Asia-Caucasus Institute (ingilis). 10 may 2016. İstifadə tarixi: 26 oktyabr 2020.
- ↑ "Qarabağda qanunsuz məskunlaşdırma: Ermənistan istəyir ki, Dağlıq Qarabağda yeni böhran başlasın - TƏHLİL". aztv.az (az.). İstifadə tarixi: 26 oktyabr 2020.