Xəyyam Əliyev
Xəyyam Əlixan oğlu Əliyev (17 dekabr 1990; Əmircan, Suraxanı rayonu, Bakı, Azərbaycan — 30 noyabr 2021; Xızı rayonu, Azərbaycan) — Azərbaycan Silahlı Qüvvələrinin Sərhəd Qoşunlarının kapitanı və pilotu. 30 noyabr 2021-ci ildə Azərbaycan Respublikası Dövlət Sərhəd Xidmətinin hərbi helikopteri Xızı rayonu ərazisində yerləşən "Qaraheybət" aviasiya poliqonunda təlim uçuşları yerinə yetirərkən qəzaya uğraması nəticəsində şəhid olmuşdur.
| Xəyyam Əliyev | |
|---|---|
 | |
| Şəxsi məlumatlar | |
| Doğum tarixi | |
| Doğum yeri | Əmircan, Suraxanı rayonu, Bakı, Azərbaycan |
| Vəfat tarixi | (30 yaşında) |
| Vəfat yeri | Xızı rayonu, Azərbaycan |
| Dəfn yeri | Əmircan, Suraxanı rayonu, Bakı, Azərbaycan |
| Vətəndaşlığı |
 Azərbaycan |
| Atası | Əlixan Əliyev |
| Anası | Nailə Əliyeva |
| Təhsili | Milli Aviasiya Akademiyası |
| Hərbi fəaliyyəti | |
| Mənsubiyyəti |
 Azərbaycan Ordusu |
| Qoşun növü |
 Sərhəd Qoşunları |
| Xidmət illəri | 2008—2021 |
| Rütbəsi | Kapitan |
| Təltifləri |
     |
Həyatı redaktə
Xəyyam Əliyev 17 dekabr 1990-cı ildə Bakı şəhərinin Suraxanı rayonunun Əmircan qəsəbəsində Əlixan Əliyevin və Nailə Əliyevanın ailəsində anadan olmuşdur.[1] 1996-2007-ci illərdə Bakı şəhəri 154 saylı tam orta məktəbdə orta təhsil almışdır. 2007-2011-ci illərdə Milli Aviasiya Akademiyasında ali təhsil almışdır. Ailəli idi, Əlixan adlı oğlu yadigar qaldı.
Hərbi xidməti redaktə
Xəyyam Əliyev ali təhsilini aldıqdan sonra Səfərbərlik və Hərbi Xidmətə Çağırış üzrə Dövlət Xidmətinin Bakı şəhər Suraxanı rayon idarəsi tərəfindən hərbi xidmətə çağırılmışdır. Dövlət Sərhəd Xidmətinin Sərhəd Qoşunlarının tərkibində "leytenant" rütbəsində xidmətinə başlamışdır. Xidmət illərində "kapitan" rütbəsi almışdır.
30 noyabr 2021-ci ildə Azərbaycan Respublikası Dövlət Sərhəd Xidmətinin (DSX) hərbi helikopteri Xızı rayonu ərazisində yerləşən "Qaraheybət" aviasiya poliqonunda təlim uçuşları yerinə yetirərkən qəzaya uğramışdır.[2] İlkin məlumatlara görə, helikopterin qəzaya uğraması nəticəsində 14 nəfər həlak olmuş, 2 nəfər isə yaralanmışdır.[3][4] Hadisə zamanı kapitan Xəyyam Əliyev şəhid olmuşdur. Onunla və şəhid olan 13 zabitlə ertəsi gün Sərhədçi İdman Olimpiya Mərkəzində vida mərasimi keçirilmiş,[5][6] Xəyyam Əliyev doğulduğu Əmircan qəsəbəsində dəfn olunmuşdur.[7]
Azərbaycan Respublikası dövlət sərhədinin mühafizəsinin təmin edilməsində, ərazi bütövlüyünün qorunub saxlanılmasında və sərhəd mühafizə orqanları qarşısında qoyulmuş tapşırıqları yerinə yetirərkən fərqləndiyinə görə Azərbaycan Prezidenti İlham Əliyevin 17.08.2022-ci il tarixli Sərəncamına əsasən Xəyyam Əliyev ölümündən sonra 3-cü dərəcəli "Vətənə xidmətə görə" ordeni ilə təltif edilmişdir.[8]
Həyatı redaktə
(26.06.2013) — "Azərbaycan Silahlı Qüvvələrinin 95 illiyi" yubiley medalı
(18.08.2014) — "Azərbaycan Sərhəd Mühafizəsinin 95 illiyi" yubiley medalı
(26.06.2018) — "Azərbaycan Ordusunun 100 illiyi" yubiley medalı
(18.08.2019) — "Azərbaycan Sərhəd Mühafizəsinin 100 illiyi" yubiley medalı
(17.08.2022) — 3-cü dərəcəli "Vətənə xidmətə görə" ordeni (ölümündən sonra)[8]
_yubiley_medal%C4%B1_-_lent.png){kind=small}
.png){kind=small}
İstinadlar redaktə
- ↑ "Şəhid Xəyyam Əliyev haqqında məlumat". www.unudulmazlar.az (az.). 2023-02-18 tarixində arxivləşdirilib. İstifadə tarixi: 05.01.2023.
- ↑ "Military helicopter crash in Azerbaijan kills 14, wounds 2". Associated Press (ingilis). 30 noyabr 2021. 2021-11-30 tarixində arxivləşdirilib. İstifadə tarixi: 30 noyabr 2021 – The Times of Israel vasitəsilə.
- ↑ "Military helicopter crash in Azerbaijan kills 14". Washington Post (ingilis). 30 noyabr 2021. İstifadə tarixi: 1 dekabr 2021.[ölü keçid]
- ↑ "Azerbaijan says 14 dead in military helicopter crash". Hürriyet Daily News (ingilis). 30 noyabr 2021. 2021-11-30 tarixində arxivləşdirilib. İstifadə tarixi: 30 noyabr 2021.
- ↑ Kazımoğlu, Mirmahmud. "Helikopter qəzasında həlak olan hərbi qulluqçularla vida mərasimi keçirilir". Report İnformasiya Agentliyi (az.). 1 dekabr 2021. 2021-12-01 tarixində arxivləşdirilib. İstifadə tarixi: 1 dekabr 2021.
- ↑ Qərib, Səid. "Bu gün helikopter qəzasında həlak olan hərbi qulluqçularla vida mərasimi keçiriləcək". Report İnformasiya Agentliyi (az.). 1 dekabr 2021. 2021-12-01 tarixində arxivləşdirilib. İstifadə tarixi: 1 dekabr 2021.
- ↑ "Şəhid kapitan Xəyyam Əliyev dəfn edildi - Fotolar". Qafqazinfo.az (az.). 1 dekabr 2021. 2023-02-18 tarixində arxivləşdirilib. İstifadə tarixi: 5 yanvar 2023.
- ↑ 1 2 "Azərbaycan Respublikası Dövlət Sərhəd Xidmətinin hərbi qulluqçularının təltif edilməsi haqqında Azərbaycan Respublikası Prezidentinin Sərəncamı". www.president.az (Azərbaycan Prezidentinin rəsmi saytı) ( (az.)). 17.08.2022. Archived from the original on 2022-08-17. İstifadə tarixi: 17.08.2022.