Xatirə Yusifova
| Xatirə Malik qızı Yusifova | |
|---|---|
 | |
| Doğum tarixi | |
| Doğum yeri | Bakı şəhəri |
| Vətəndaşlığı | Azərbaycan |
| Milliyyəti | azərbaycanlı |
| Elm sahəsi | Azərbaycan ədəbiyyatı |
| Elmi dərəcəsi | Filologiya üzrə fəlsəfə doktoru |
| Elmi adı | dosent |
| Təhsili | Bakı Dövlət Universiteti, AMEA Məhəmməd Füzuli adına Əlyazmalar İnstitutu |
| Tanınır | Ədəbiyyatşünas |
Həyatı
redaktəXatirə Malik qızı Yusifova 1975-ci il iyul ayının 16-də Bakı şəhərində ziyalı ailəsində anadan olmuşdur. 1992-ci ildə Bakı şəhəri 44 nömrəli tam orta məktəbi əla qiymətlərlə bitirmişdir. 1994-1998-ci illərdə Bakı Dövlət Universitetinin filologiya fakültəsində təhsil almışdır. Həmin fakültəni fərqlənmə diplomu ilə bitirdikdən sonra 1998-ci ildə həmin fakültənin magistr pilləsinə daxil olmuş, magistr pilləsini də 2000-ci ildə fərqlənmə diplomu ilə bitirmişdir. 2001-ci ildə AMEA Məhəmməd Füzuli adına Əlyazmalar İnstitutunun dissertantı olmuş, 2008-2014-cü illərdə Azərbaycan Milli Elmlər Akademiyası M.Füzuli adına Əlyazmalar İnstitutu Türk dilli əlyazmaların tədqiqi şöbəsində dissertantura pilləsində təhsil alaraq filologiya üzrə fəlsəfə doktoru elmi dərəcəsini almışdır.
Filologiya üzrə fəlsəfə doktoru X.M.Yusifova 2012-ci ildən Avrasiya Universiteti “Ümumi filologiya” kafedrasında, 2016-cı ildən Xəzər Universitetində müəllim, 2021-ci ildən isə Azərbaycan Milli Elmlər Akademiyası M.Füzuli adına Əlyazmalar İnstitutu aparıcı elmi işçi kimi fəaliyyət göstərir.
Elmi yaradıcılığı
redaktəFilologiya üzrə fəlsəfə doktoru X.M.Yusifova Ədəbiyyat, Azərbaycan ədəbiyyatının müxtəlif istiqamətləri üzrə araşdırmalar aparmış görkəmli ədəbiyyatçıdır. O, ilk dəfə Füzilinin türk “Divan”ının nəşri problemlərini işləmişdir. Onun müxtəlif vaxtlarda çapdan çıxmış elmi əsərlərinin ümumi sayı 21-dən çoxdur. Filologiya üzrə fəlsəfə doktoru X.M.Yusifovanın 6 elmi əsəri xarici jurnallarda dərc olunmuş, həmçinin beynəlxalq bazalarda referatlaşdırılan və indeksləşdirilən jurnallarda çap olunan 5 məqalənin müəllifidir.
Əsərləri
redaktə- Füzulinin türk "Divan"ının nəşri problemləri. Bakı nəşrləri, 2012. http://web2.anl.az:81/read/page.php?bibid=404927&pno=1
- Klassik ədəbiyyatda "Divan" anlayışı və Füzulinin anadilli divanı. http://ek.anl.az/lib/item?id=chamo:440998&theme=e-kataloq
- Məhəmməd Füzulinin anadilli “Divan”ının daha bir nüsxəsi haqqında.
- Elmi-tənqidi mətnin “Nüsxə fərqləri” hissəsi haqqında.2002.
- Məhəmməd Füzulinin anadilli “Divan”ının Bakı nüsxəsi 1958-ci il nəşri ilə müqayisədə (Əlavələrlə).2007.
- Məhəmməd Füzulinin anadilli “Divan”ının elmi-tənqidi mətnlərinin tərtibində istifadə edilmiş Leninqrad nüsxəsi ilə mətnin “Nüsxə fərqləri” hissəsinin müqayisəsi. 2007.
- Məhəmməd Füzulinin anadilli “Divan”ının Əmin Sədiqi nəşri və onun əsasında duran əlyazmalar". 2012.
- Füzulidə qəzəlində Məhəmməd peyğəmbər və Allah. 2012.
- Klassik ədəbiyyatda “Divan” anlayışı və Füzulinin anadilli divanı. 2013.
- Bioqrafik sənədlər öyrənilir. 2015.
- Füzulinin anadilli “Divan”ının nəşr olunmuş elmi-tənqidi mətnləri. 2016.
İstinadlar
redaktəhttp://ek.anl.az/search/query?theme=e-kataloq
https://science.gov.az/az/forms/doktora-filosofii-instituta-rukopisey/3569
https://fil.baau.edu.az/az/staff/yusifova-xatire-malik-qizi-127
https://khazar.org/uploads/files/azelang_depart/CV-Europass-Xatira_Yusifova.pdf